Japonııanyń aýyldyq aımaqtarynda jabaıy janýarlardan, ásirese aıýlardan qorǵaý úshin qasqyr beınesindegi robottar qoldanyla bastady. Bul tehnologııa adam men jabaıy tabıǵat arasyndaǵy qaqtyǵysty azaıtýǵa baǵyttalǵan, dep jazady Egemen.kz.
Robot-qasqyr kún energııasymen jumys isteıtin paneldermen, datchıktermen jáne dybys shyǵaratyn qurylǵylarmen jabdyqtalǵan. Ol 50-den astam túrli dybysty shyǵaryp, 1 km-ge deıingi qashyqtyqta áser ete alady. Qurylǵy janýar jaqyndaǵan kezde avtomatty túrde iske qosylady.
Qytaıda bala baǵyp, úı jınaıtyn ámbebap robot paıda boldy
О́ndirýshi kompanııanyń málimetinshe, aldaǵy ýaqytta robottyń jańa nusqasy ázirlenip jatyr. Jańartylǵan model dóńgelekpen qozǵalyp, aýmaqtardy ózdiginen patrýldeýge qabiletti bolady.
Robottardyń negizgi tutynýshylary – fermerler men aýyl sharýashylyǵy jerleriniń ıeleri. Mundaı tehnologııaǵa suranystyń artýy sońǵy jyldary aıýlardyń eldi mekenderge jıi kelýimen baılanysty. Resmı derekterge sáıkes, Japonııada sońǵy jyldary aıý shabýylynan 13 adam qaza tapqan.
Buǵan deıin Qytaıda polıseılerdi robottardyń almastyrýy týraly jazǵanbyz.