Túrkistanda Túrki memleketteri uıymynyń beıresmı sammıti ótip jatyr. Sammıt otyrysynda Prezıdent túrki tilderine ortaq termınologııalyq negiz qalyptastyrý qajettigin aıtty, dep habarlaıdy Egemen.kz.
Jıynda Memleket basshysy tehnologııalyq damý men gýmanıtarlyq yqpaldastyq jaǵdaıynda túrki tilderine ortaq termınologııalyq negiz qalyptastyrýdyń mańyzdylyǵyna toqtaldy.
«Jaqynda Túrki Akademııasy aǵylshyn, orys jáne túrki tilderinde segiz tomdyq termınologııalyq sózdikti jaryqqa shyǵardy. Bul jumys termınderdi bir izge keltirýge jáne ortaq ǵylym keńistigin nyǵaıtýǵa yqpal etpek. Osy oraıda Keńeske múshe elderdiń tıisti mekemeleriniń ókilderi, ǵylymı sarapshylary kiretin Memleketaralyq termınologııalyq komıssııa qurýdy usynamyn», dedi Qasym-Jomart Toqaev.
Memleket basshysy: Túrkistan – atajurtymyzdyń myzǵymas temirqazyǵy
Sondaı-aq Memleket basshysy sammıt otyrysynda túrki elderiniń jasandy ıntellekt ortalyqtarynyń jelisin qurýdy usyndy.