Túrki elderi memleketteriniń beıreımı sammıtinde Memleket basshysy uıymǵa múshe memleketterdiń birlesken IT hab ortalyǵyn ashýdy usyndy, dep habarlaıdy Egemen.kz.
Prezıdent Ortalyqqa «Turkic ai» ataýyn berip, ony Alem.ai ortalyǵynda ornalastyrýǵa bolatyndyǵyn atap ótti. Sondaı-aq Qasym-Jomart Toqaev jasandy ıntellekt pen ozyq tehnologııa dáýirinde rýhanı jáne mádenı qundylyqtardy nazardan tys qaldyrmaý qajettigine toqtaldy.
«Túrki órkenıetiniń mol murasyn saqtaý jáne ony zerdeleý – tarıhı jadyny jańǵyrtý máselesi ǵana emes. Bul – bizdiń biregeı bolmysymyzdy, birligimizdi jáne yntymaqtastyǵymyzdy kórsetetin mańyzdy faktor. Osy oraıda men Túrki órkenıetiniń murasyn saqtaý jónindegi konvensııa jobasyn pysyqtaý týraly usynysty qoldaýǵa shaqyramyn. Bul qujat túrki halyqtarynyń tarıhı-mádenı murasyn saqtaý jáne dáripteý isine quqyqtyq negiz bolady. Sondaı-aq IýNESKO-nyń osy saladaǵy qyzmet aıasyn keńeıte túsýge yqpal etedi», dedi Memleket basshysy.
Qasym-Jomart Toqaev TMU aıasynda birlese iske asyrýǵa bolatyn birqatar usynysty ortaǵa saldy
Sondaı-aq Prezıdent túrki halyqtarynyń tarıhy men mádenıetine qatysty materıaldardy jınaqtaıtyn jasandy ıntellekt negizindegi arnaıy sıfrlyq platformany qurýdy usyndy. Budan bólek, sammıt otyrysynda Qasym-Jomart Toqaev túrki tilderine ortaq termınologııalyq negiz qalyptastyrý qajettigin aıtty.