Túrki memleketteri uıymynyń beıresmı sammıtinde Memleket basshysy uıymdy áskerı alıans retinde sıpattaýǵa qatysty pikirlerge jaýap berdi, dep habarlaıdy Egemen.kz.
Prezıdent uıymnyń basty maqsaty – túrki áleminiń birligin nyǵaıtý jáne saýda-ekonomıkalyq, sıfrlyq, tehnologııalyq ári mádenı-gýmanıtarlyq yntymaqtastyqty damytý ekendigine basa mán berdi.
«Eń bastysy, jańa formattaǵy jumys Uıymnyń maqsat-mindetterine saı bolyp, oǵan keri áserin tıgizbeýi kerek. Mysaly, sońǵy kezde Uıymymyzdy áskerı alıans retinde sıpattaıtyn oı-pikirler aıtylyp júr. Olardyń teris peıili bizge anyq, maqsattary – eldestirý emes ekeni de belgili. Qazaqstan ondaı ustanymdy joqqa shyǵarý kerek dep sanaıdy», dedi Qasym-Jomart Toqaev.
Prezıdent Qazaqstan úshin túrki áleminiń birligin nyǵaıtý asa mańyzdy, kezek kúttirmeıtin basymdyq ekendigine toqtaldy.
«Túrki memleketteri uıymy – geosaıası joba emes, áskerı uıym da emes. Bul – baýyrlas elderdiń saýda-ekonomıkalyq, joǵary tehnologııalyq, sıfrlyq jáne mádenı-gýmanıtarlyq yntymaqtastyǵyn nyǵaıtatyn biregeı alań. Mundaı ustanym elimiz úshin – mańyzdy basymdyq, sebebi, bul ulttyq múdde turǵysynan da tıimdi ekeni anyq. «Altaý ala bolsa, aýyzdaǵy ketedi, tórteý túgel bolsa, tóbedegi keledi» degen ataly sóz – bárimizge ortaq. Túrki álemi árdaıym tatý bolyp, alǵa qoıǵan maqsatynan aýytqymaı, birlese damı berýi kerek», dedi Memleket basshysy.
Prezıdent: Almaǵaıyp kezeńde túrki memleketteriniń aýyzbirshilikte bolýy – óte mańyzdy
Budan bólek, sammıt otyrysynda Qasym-Jomart Toqaev túrki tilderine ortaq termınologııalyq negiz qalyptastyrý qajettigin aıtty.