Májilis Spıkeri, «AMANAT» Tóraǵasy Erlan Qoshanov partııanyń Respýblıkalyq qoǵamdyq qabyldaý alańynda azamattardy qabyldady. Turǵyndar partııa Tóraǵasyna sý jelilerin jóndeý, eldi mekenderdi gazdandyrý jáne shekara mańyndaǵy aýdanda poshta qyzmetin jolǵa qoıý syndy birqatar mańyzdy máselemen júgindi, dep habarlaıdy Egemen.kz.
Qoǵamdyq qabyldaýǵa kelgen Ulytaý oblysy Jańaarqa aýdanynyń turǵyny Beıbit Qasenov sý jelilerin jóndeýge respýblıkalyq bıýdjetten qarajat bólý máselesin qozǵady.
«Aýdan ortalyǵyndaǵy sý jelileriniń jóndeý kórmegenine 30 jyldyń júzi boldy. Búginde ınfraqurylymdyq júıeniń 60-70 paıyzy tozyǵy jetip tur. Sonyń saldarynan turǵyndardy sapaly aýyz sýmen turaqty qamtamasyz etýge qatysty kúrdeli másele týyndap otyr. Al jergilikti bıýdjetten qarajat bólýge múmkindik joq», dedi ol.
Erlan Qoshanov Memleket basshysy halyqty taza aýyz sýmen qamtamasyz etý aıryqsha mańyzdy mindet ekenin atap ótkenin jáne sońǵy jyldary osy baǵytta naqty sharalar qabyldanǵanyn eske saldy. Sondaı-aq partııanyń «Halyqpen birge!» saılaýaldy baǵdarlamasy aıasynda barlyq turmystyq jáne áleýmettik ınfraqurylym aýyl turǵyndary úshin qoljetimdi bolýy, aýyldar taza aýyzsýmen qamtamasyz etilýi maqsatynda aýqymdy jumys atqarylyp jatyr. Bul rette, partııa Tóraǵasy Beıbit Qasenovtyń ótinishi partııanyń aýyl turǵyndaryna jaıly jaǵdaı jasaý baǵytynda qolǵa alyp jatqan jumysynda, zań shyǵarý isinde jáne ózge de qyzmetinde eskeriletinin atap ótti.
«AMANAT» partııasy jańa jobany iske qosty
Al Astana qalasynda turyp jatqan Madı Seıtmanov, Áziret Myrzaqasym, Janerke Jasuzaq jáne Sultan Batyrbek esimdi jas azamattar qoǵamdyq tamaqtaný ornynda jumys istegenderin, alaıda jumys berýshi jalaqylaryn bermeı ketkenin aıtyp, shaǵymdandy. Erlan Qoshanovtyń aıtýynsha, zańnamaǵa sáıkes, jumys berýshi qyzmetkermen mindetti túrde eńbek shartyn jasasýǵa tıis. Odan jaltarýǵa jol berýge bolmaıdy. Sondyqtan partııa jastardy jumysqa ornalastyrý máselesine jiti mán beredi. Máselen, partııanyń «Jastar Rýhy» jastar qanaty kolledj jáne joǵary oqý oryn túlekterine arnalǵan aýqymdy bos jumys oryndary jármeńkesin ótkizip keledi.
«Memleket basshysy Qasym-Jomart Toqaev adal eńbek qashan da baǵalanýǵa, qorǵalýǵa jáne laıyqty qarjylandyrylýǵa tıis ekenin únemi aıtyp keledi. Búginde elimiz Progressıvti ári Ádiletti Qazaqstandy qurý jolyna tústi. Referendýmda azamattar keńinen qoldaǵan jańa Konstıtýsııaǵa sáıkes, ár adamnyń eńbek etýge, qyzmet pen kásip túrin erkin tańdaýǵa quqyǵy bar. Qazaqstan Respýblıkasy azamattardyń áleýmettik turǵyda qorǵalý quqyǵyna zańǵa sáıkes kepildik beredi. Al Májilis qabyrǵasyndaǵy partııamyzdyń fraksııa depýtattary azamattardyń eńbek quqyǵynyń qorǵalýyna qatysty zańnamalarǵa tıisti ózgerister engizý jumysyn kúsheıtedi», dedi Erlan Qoshanov.
Astana qalasynyń turǵyny Gúlmıra Majenova esirtki aınalymy úshin sottalǵan adamdarǵa qatysty qylmystyq saıasatty jetildirýdi jáne zańnamany izgilendirýdi usyndy. Sonymen qatar Jambyl oblysy Jýaly aýdany Jańatalap aýylynyń turǵyny Serik Qojaǵulov telefon jáne ınternet baılanysy sapasyn jaqsartýdy surady. Al Baýyrjan Jaýǵasharov Shyǵys Qazaqstan oblysy Marqakól aýdanynda poshta qyzmetin jolǵa qoıý máselesine nazar aýdardy. Erekshe qajettiligi bar balalar tárbıelep otyrǵan Gúlbahram Erǵalımova jeńildikpen avtokólik satyp alýǵa kómek kórsetýdi ótindi. О́z kezeginde, Ivan Markshteder esimdi azamat elektr qýatyn esepke alý quraldaryn ornatý tártibine qatysty usynysyn jetkizdi.
«Amanat» partııasy Kásipkerler qanatyn qurdy
Sondaı-aq azamattar erekshe qajettiligi bar balalardy ońaltý jáne damytý ortalyǵyna qoldaý kórsetýge, arnaıy bilim berý uıymdary pedagogteriniń jalaqysyna, oqýshylar saraıyn, temirjol arqyly ótetin jerústi jaıaý júrginshiler kópirin salý salýǵa qatysty birqatar másele kóterdi. О́z kezeginde, Partııa Tóraǵasy búgin kóterilgen máseleniń bári júıeli túrde sheshiletinin aıtty.
Erlan Qoshanov azamattarmen keri baılanys ornatýda osyndaı qabyldaýlar ótkizýdiń mańyzyna toqtalyp, «AMANAT» partııasy aldaǵy ýaqytta da halyqtyń muń-muqtajyn sheshýge basa mán beretinin atap ótti.
«Biz el-eldi kóp aralaımyz. Halyqtyń jaǵdaıyn, talap-tilegin jaqsy bilemiz. Saılaýaldy baǵdarlamamyzda olardyń bári qamtylǵan. Barlyǵy kezeń-kezeńimen iske asyp jatyr. Biraq óńirlerdi aralaý bir bólek, azamattarmen betpe-bet kezdesip, muń-muqtajyn da tyńdaýymyz kerek. Biz úshin ár adamnyń máselesi mańyzdy. Ony sheshý – basty mindetimiz. Byltyr «AMANAT» partııasynyń qoǵamdyq qabyldaýyna azamattardan 124 myń ótinish kelip tústi. Olardyń basym bóligi sheshildi. Memleket basshysynyń «Halyq únine qulaq asatyn memleket» tujyrymdamasy, halyq únine qulaq asatyn partııa degenimiz osy», dedi partııa tóraǵasy.
Qabyldaý qorytyndysy boıynsha Erlan Qoshanov azamattardy tolǵandyrǵan barlyq máseleni jeke baqylaýyna aldy.