Qazaqstan Prezıdenti Qasym-Jomart Toqaev, Ázerbaıjan Prezıdenti Ilham Álıev,Qyrǵyzstan Prezıdenti Sadyr Japarov, Túrkııa Prezıdenti Rejep Taııp Erdoǵan, О́zbekstan Prezıdenti Shavkat Mırzııoev túrki dúnıesiniń áıgili rýhanı jáne tarıhı-mádenı kıeli oryndarynyń biri, IýNESKO-nyń Búkilálemdik mura tizimine engen Qoja Ahmet Iаsaýı kesenesine bardy, dep habarlaıdy Egemen.kz.
Memleketter basshylary uly ǵulama, áýlıe Qoja Ahmet Iаsaýı men kesene aýmaǵynda jerlengen basqa da belgili tarıhı tulǵalardyń rýhyna zııarat etti.
Prezıdentterge keseneniń XIV ǵasyr sońynda Ámir Temirdiń buıryǵymen salynǵany, kólemi jaǵynan ártúrli 35 bólmeden turatyny jóninde aqparat berildi.
Ǵımarattyń ishki bıiktigi 39 metrdi, al syrtqy bıiktik ólshemi 41 metrdi quraıdy.
Mártebeli meımandar qabirhanany, ortalyq bólmede ornalasqan qazandyqty, taıqazandy jáne qola laýhany aralap kórdi.
Túrkistanda Túrki órkenıeti ortalyǵy boı kóteredi
Sondaı-aq ekspozısııada túrki-ıslam áleminiń belgili oıshyldary men shaıyrlarynyń eńbekterinen turatyn 45 kitap qoıylǵan. Olardyń arasynda Qoja Ahmet Iаsaýıdiń «Dıýanı Hıkmet», Nızamıdiń «Hamsa», Naýaıdiń ǵazaldary, Baqyrǵanıdyń shyǵarmalary, Fırdoýsıdiń «Shahnama», Fızýlıdiń «Láıli men Májnún» dastany, sonymen birge «Manas» jyrynyń úzindileri jáne basqa da sırek kezdesetin týyndylar bar.
Eske sala keteıik, Túrkistanda Túrki memleketteri uıymynyń beıresmı sammıti ótti. Sammıt aldynda Qasym-Jomart Toqaev pen Shavkat Mırzııoev Qazaqstan men О́zbekstan arasyndaǵy baýyrlastyq baılanys jáne rýhanı yntymaqtastyq nyshany retinde Túrkistanda boı kótergen meshitpen tanysty.