О́nerkásip jáne qurylys vıse-mınıstri Oljas Saparbekov Nuctech Kazakhstan basshylyǵymen kezdesý ótkizip, elde tekserý-ótkizý jabdyqtaryn óndirý jobasyn talqylady. Jıynǵa sondaı-aq Prezıdent Ákimshiligi Basshysynyń orynbasary Ásel Janasova qatysty, dep habarlaıdy Egemen.kz.
Kezdesý barysynda ımportty almastyrý jáne elektrondy ónerkásipti damytý baǵdarlamasy aıasynda álemdik naryqtaǵy jetekshi kompanııalardyń biri – Nuctech ónimderin Qazaqstan aýmaǵynda shyǵarý máselesi qaraldy.
Joba Memleket basshysynyń kólik-logıstıka salasyn damytý, tranzıttik áleýetti kúsheıtý jáne Qazaqstannyń Eýrazııa keńistigindegi strategııalyq hab retindegi rólin arttyrý jónindegi tapsyrmalaryn iske asyrý maqsatynda júzege aspaq.
Depýtat Qazaqstanda tyńaıtqysh óndirisin ulǵaıtýdy usyndy
Jospar boıynsha óndiris qýattary 2026 jyldyń sońyna qaraı iske qosylady. Kásiporynda Kylin Ti jáne XT2100 sekildi zamanaýı tekserý keshenderi, sondaı-aq júk pen bagajdy tekserýge arnalǵan CX180180D jáne CX100100D rentgen-televızııalyq qondyrǵylary shyǵarylmaq.
Jańa óndiris Innovasııalyq tehnologııalar parki arnaıy ekonomıkalyq aımaǵynda ornalasady.
Sonymen birge joba aıasynda servıstik ortalyqtar jelisi men qosalqy bólshekter qoımasy qurylyp, jabdyqtardyń úzdiksiz jumysyn qamtamasyz etý kózdelip otyr.
Mamandardyń aıtýynsha, bul bastama elektrondy ónerkásiptiń damýyna serpin berip, jańa jumys oryndaryn ashýǵa, otandyq mamandardyń biliktiligin arttyrýǵa jáne sheteldik ónimderge táýeldilikti azaıtýǵa múmkindik beredi.
Qazaqstan áskerı maqsattaǵy dron óndirisin qanshalyqty jolǵa qoıdy?
Joba júzege asqan jaǵdaıda, otandyq óndiristegi tekserý júıeleri túzeý mekemeleri, temirjol vokzaldary, áýejaılar men strategııalyq nysandardaǵy qaýipsizdik ınfraqurylymyn jańǵyrtýǵa paıdalanylmaq.
Aıta keteıik, Qyzylorda oblysynda aýyl sharýashylyǵyna jańa baǵyt retinde qarasora ósiriledi.