Jasandy ıntellekt jáne sıfrlyq damý mınıstrligi egov.kz portalynda mańyzdy memlekettik qyzmetti tolyqtaı onlaın formatqa kóshiretinin málimdedi, dep jazady Egemen.kz.
Endi el azamattary elektrondyq sıfrlyq qoltańbany (ESQ) Halyqqa qyzmet kórsetý ortalyǵyna barmaı, tek onlaın alady. Bolashaqta avtosalonnan satyp alynǵan kólikti alǵashqy ret tirkeý, turǵylyqty jeri boıynsha tirkelý jáne jer ýchaskesine sáıkestendirý qujatyn rásimdeý de onlaın formatqa aýystyrylady.
Qazaqstannyń birqatar qalasynda HQO-lardyń mekenjaılary ózgeredi
Aldaǵy ýaqytta onlaın formatqa qosylatyn taǵy birneshe qyzmet túri:
jyljymaıtyn múlikti tirkeý; shetel azamattaryna JSN qalyptastyrý; eńbek mıgranttaryna ruqsat berý; kadastrlyq pasporttardy rásimdeý qyzmetteri kóshiriledi.Aıta keteıik, Qazaqstanda memlekettik qyzmetterdi sıfrlandyrý nátıjesinde Halyqqa qyzmet kórsetý ortalyqtaryna túsetin júkteme 35%-ǵa azaıǵan. Bul óz kezeginde aldaǵy ýaqytta qyzmetkerler sanyn ońtaılandyrý máselesin kún tártibine shyǵarýy múmkin.