Qazaqstanda balalardy 1-synypqa qabyldaý boıynsha qanatqaqty joba iske qosylady. Osyǵan baılanysty Oqý-aǵartý mınıstrligi men Sıfrlyq damý, ınnovasııalar jáne aeroǵarysh ónerkásibi mınıstrligi birlesken buıryq qabyldady, dep habarlaıdy Egemen.kz.
Qujatqa sáıkes, mektepaldy daıarlyqtan sol bilim berý uıymynda ótken balalar ata-anasynyń nemese zańdy ókiliniń ótinishi negizinde avtomatty túrde 1-synypqa qabyldanady.
Eger ata-ana balasyn basqa mektepke aýystyrǵysy kelse, onda qujattar jalpy tártippen tapsyrylady.
Sondaı-aq júıede «Kútý bólmesi» mehanızmi engiziledi. Eger ótinish sany tym kóp bolyp ketse, paıdalanýshylar avtomatty túrde elektrondy kezekke jiberiledi. Olar óz kezeginiń qozǵalysyn onlaın baqylaı alady. Kezek jetken kezde júıe qyzmet alý betine avtomatty túrde ótkizedi.
UBT-2026 jáne 1 synypqa qabyldaý: 1 mamyrdan bastap Qazaqstanda ne ózgeredi?
Budan bólek, ata-analar 1-synypqa qabyldaý týraly buryn jiberilgen ótinishti elektrondy túrde keri qaıtaryp ala alady.
О́ńirler boıynsha qujat qabyldaý merzimi: Astana, Abaı oblysy, Jetisý oblysy, Qyzylorda oblysy, Batys Qazaqstan oblysy – 27 mamyr men 31 tamyz aralyǵy; Almaty, Aqmola oblysy, Aqtóbe oblysy, Jambyl oblysy, Shyǵys Qazaqstan oblysy – 10 maýsym men 31 tamyz aralyǵy; Almaty oblysy, Qostanaı oblysy, Pavlodar oblysy, Atyraý oblysy, Shymkent – 18 maýsym men 31 tamyz aralyǵy; Túrkistan oblysy, Mańǵystaý oblysy, Qaraǵandy oblysy, Soltústik Qazaqstan oblysy, Ulytaý oblysy – 29 maýsym men 31 tamyz aralyǵy.Birlesken buıryq 2026 jyldyń 26 mamyrynan bastap kúshine enip, 31 jeltoqsanǵa deıin qoldanylady.
10-11 synyp oqýshylary jumysshy mamandyqtaryn qatar oqyp jatyr