Ulttyq qurama kóshbasshylarynyń biri Maksım Samorodov Reseı Premer-lıgasynyń 30-týry aıasynda ótken «Sochı» jáne «Ahmat» matchynda eń úzdik oıynshy atandy, dep habarlaıdy Egemen.kz.
Qazaqstan ulttyq quramasynyń shabýylshysy negizgi quramda alańǵa shyǵyp, tek 90+1 mınýtta almastyryldy.
Osylaısha 2025/26 maýsym qorytyndysy boıynsha «Ahmat» klýby 37 upaı jınap, Reseı chempıonatyn 9-orynda aıaqtap otyr.
Eske sala ketsek, Maksım Samorodov 2024 jyldyń tamyz aıynda «Aqtóbe» klýbynan «Ahmat» komandasyna aýysyp, sodan beri komanda kóshbasshylarynyń birine aınaldy. Otandasymyz maýsym barysynda 34 match ótkizip, 5 gol soǵyp, 5 nátıjeli pas berdi.
«Astana» fýtbolshysy álem chempıonatynda oınaıdy
Aıta keteıik, groznyılyq klýb sapynda taǵy bir Qazaqstannyń oıynshysy – Ǵalymjan Kenjebek óner kórsetedi. Ol buǵan deıingi «Dınamo Mahachkala» matchynda (1:1) klýb sapyndaǵy alǵashqy golyn soqqan bolatyn.
Al jaqynda ulttyq quramanyń taǵy bir oıynshysy Stas Pokatılov Ázerbaıjan kýboginiń ıegeri atanǵanyn jazǵan edik.