Memleket basshysy Qasym-Jomart Toqaev Túrki memleketteri uıymynyń beıresmı sammıtinde sóz sóıledi. Prezıdent Túrkistan qalasynda ótken alqaly jıynǵa qatysqan Túrki memleketteri uıymyna múshe elderdiń basshylaryna rızashylyǵyn bildirdi, dep habarlaıdy Egemen.kz.
Qasym-Jomart Toqaev Túrkistannyń tarıhı-rýhanı mańyzyn atap ótip, qala túrki áleminiń qundylyqtaryn biriktiretin qasıetti ortalyq ekenin aıtty.
«Túrkistan – atajurtymyzdyń myzǵymas temirqazyǵy. Eki dúnıe esigi, er túriktiń besigi atanǵan shejireli shahar. Kóne qala qashanda túbi bir túrki jurtynyń qasıetti qara shańyraǵy sanalǵan. Túrkistan tórindegi Áziret Sultan kesenesi – rýhanı tutastyq pen tarıhı sabaqtastyq sımvoly. Qoja Ahmet Iаsaýı baýyrlas elderdiń dúnıetanymyn keńeıtýge zor úles qosty. Adamzatqa ortaq qundylyqtardy barynsha dáriptedi. Halyqty jaqsylyqqa, jasampazdyqqa, adaldyqqa shaqyrdy», dedi Prezıdent.
Prezıdent Túrki memleketteri uıymynyń beıresmı sammıtine qatysý úshin Túrkistan qalasyna bardy
Memleket basshysy Qoja Ahmet Iаsaýı murasynyń túrki halyqtarynyń dúnıetanymy men rýhanı tutastyǵyn nyǵaıtýdaǵy rólin erekshe atap ótip, onyń gýmanıstik ıdeıalary búgingi kúnge deıin ózektiligin joǵaltpaǵanyn jetkizdi.
«Ǵulama oıshyl ıslam dinin túrki jurtynyń tanym-túsinigimen ushtastyra bildi. Asa qundy eńbekter jazyp, mol mura qaldyrdy. Iаsaýıdiń taǵylymdy oılary men hıkmetteri – túrki halyqtarynyń baǵa jetpes baılyǵy. Uly babamyz dáriptegen qundylyqtar áli de ózektiligin joǵaltqan joq. Sondyqtan biz Iаsaýıdiń gýmanıstik ıdeıalaryna basa mán berip otyrmyz. Qazir elimizde «Adal azamat», «Ádiletti Qazaqstan», «Taza Qazaqstan» jáne basqa da biregeı bastamalar tabysty júzege asyrylyp jatyr. Basty maqsatymyz – ult sapasyn barynsha jetildirip, memlekettigimizdi nyǵaıta túsý. Túptep kelgende, osy aýqymdy jumystyń negizi Iаsaýı iliminen bastaý alady», dedi Qasym-Jomart Toqaev.
Eske sala keteıik, Túrkistanda Túrki memleketteri uıymynyń beıresmı sammıti ótip jatyr. Sammıt aldynda Qasym-Jomart Toqaev pen Shavkat Mırzııoev Qazaqstan men О́zbekstan arasyndaǵy baýyrlastyq baılanys jáne rýhanı yntymaqtastyq nyshany retinde Túrkistanda boı kótergen meshitpen tanysty.