Elimizde avtojoldardaǵy qaýipsizdikti arttyrý maqsatynda ortasha jyldamdyqty baqylaý júıesi keńeıtilip jatyr. 2026 jyldyń sońyna deıin taǵy 16 aqyly jol ýchaskesinde jańa talap engizilip, ereje buzǵan júrgizýshilerge aıyppul salynady, dep jazady Egemen.kz.
«QazAvtoJol» ulttyq kompanııasynyń basqarma tóraǵasy Darhan Imanashevtiń málimetinshe, ortasha jyldamdyqty baqylaý júıesi 2024 jyldyń sońynan bastap kezeń-kezeńimen engizile bastaǵan. Qazirgi tańda bul júıe jalpy uzyndyǵy 1,8 myń shaqyrym bolatyn 8 aqyly jol ýchaskesinde jumys istep tur.
Jyldamdyqty baqylaý júıesi 109 myńnan asa zań buzýshylyqty anyqtady
Qabyldanǵan sharalardyń nátıjesinde respýblıkalyq joldardaǵy jol-kólik oqıǵalarynyń sany 20% azaıǵan. Osy tájirıbeni jalǵastyrý úshin 2026 jyldyń sońyna deıin taǵy 16 ýchaskede osyndaı júıe engiziledi.
Ortasha jyldamdyq – kóliktiń belgili bir jol bóligindegi qozǵalys ýaqytyna qaraı esepteletin kórsetkish. Iаǵnı, eki kamera arasyndaǵy qashyqtyq júrip ótken ýaqytqa bólinedi. Bul tásil júrgizýshiniń tek bir núktede emes, barlyq ýchaskedegi qozǵalys tártibin baǵalaýǵa múmkindik beredi.
Jyldamdyqty 59 ret asyrǵan: Astanada Porsche júrgizýshisi qamaýǵa alyndy
Ortasha jyldamdyqty asyrǵany úshin bólek jaza engizilmeıdi. Jaýapkershilik Ákimshilik quqyq buzýshylyq týraly kodekstiń 592-babyna sáıkes qarastyrylǵan. 2026 jyly aıyppul mólsheri mynadaı: – 10-20 km/saǵ aralyǵynda asyrsa – 5 AEK (21 625 teńge); – 20-40 km/saǵ – 10 AEK (43 250 teńge); – 40 km/saǵ jáne odan joǵary – 20 AEK (86 500 teńge); – 1 jyl ishinde qaıtalansa – 30 AEK (129 750 teńge); – 60 km/saǵ jáne odan joǵary – 40 AEK (173 000 teńge).
Qazirgi ýaqytta ortasha jyldamdyqty baqylaý Astana – Shýchınsk, Astana – Pavlodar, Shymkent – Qyzylorda, Shymkent – Taraz, Pavlodar – Semeı – Qalbataý, Oral – Reseı shekarasy (Saratov), Pavlodar – Reseı shekarasy (Omby), Jibek joly – Temirtaý baǵyttarynda qoldanylady.
Statıstıkaǵa sáıkes, eń kóp zańbuzýshylyq Shymkent – Qyzylorda tasjolynda tirkelgen – 54 863 jaǵdaı. Odan keıin Astana – Shýchınsk (29 330) jáne Astana – Pavlodar (18 188) baǵyttary tur.
Mamandardyń aıtýynsha, jańa júıe joldaǵy tártipti kúsheıtip, apat sanyn azaıtýdy kózdeıdi.
Astanalyq polıseıler beınekamera arqyly jol erejesin buzǵandardy anyqtady