Qazirgi tańda nysana kózdeýden Úndistannyń Nıý-Delı qalasynda Azııa chempıonaty ótip jatyr. Qazaqstan quramasy qazirge deıin atalǵan jarysta 5 medal jeńip aldy, dep habarlaıdy Egemen.kz.
Valerıı Rahymjan pnevmatıkalyq tapanshamen 10 metrge oq atýda kúmis júldege ıe boldy.
Sondaı-aq otandastarymyz pnevmatıkalyq vıntovkamen 10 metrge oq atýdan komandalyq saıysta ekinshi oryn aldy. Qurama sapynda Nıkıta Shahtorın, Konstantın Malınovskıı, Islam Sátpaev óner kórsetti.
Odan bólek, Qazaqstan quramasy erler arasynda pnevmatıkalyq tapanshamen 10 metrge oq atýda qola medalǵa ıe boldy. Qurama sapynda Valerıı Rahymjan, Kırıll Fedkın, Eldar Imanqulov el namysyn qorǵady.
Alına Chıstıakova Qazaqstan quramasyna alǵashqy altyn medaldi syılady
Sonymen qatar erler quramasy shaǵyn kalıbrli tapashadan 25 metrge oq atýda úshinshi orynǵa jaıǵasty. Bul joly komanda sapynda Nıkıta Chırıýkın, Kırıll Fedkın, Artemıı Kabakov óner kórsetti.
Azııa chempıonaty: Qazaqstan jeńil atletıkadan ekinshi altyn júldeni jeńip aldy
Áıelder quramasy da pnevmatıkalyq vıntovkamen 10 metrge oq atýda qola medalǵa ıe boldy. Jeńis tuǵyrynyń úshinshi satysyna Elızaveta Bezrýkova, Sofııa Shýljenko, Arına Malınovskaıa kóterildi.
Jeńil atletıkadan Qazaqstan quramasynyń ókili Nadejda Dýbovıskaıa Qytaıdyń Tıanszın qalasynda ótip jatqan jabyq keshendegi Azııa chempıonatynda kúmis medal jeńip alǵanyn habarlaǵan edik.