On bes myń adamdyq aksııa

Qazaqstan Respýblıkasynyń Tuńǵysh Prezıdenti atyndaǵy saıa­baq­ta Elbasy Nursultan Nazarbaevtyń «Bolashaqtyń irgesin birge qa­laımyz» atty Qazaq­stan halqyna Joldaýyn qoldaý maq­satynda ót­kizilgen  bul sharaǵa  15 myń aqtóbelik  qatysty. Olardyń arasynda  ob­lys ákimi Eleýsin Saǵyndyqov, sondaı-aq soǵys jáne eńbek ardagerleri men eń­bek ujymdary, shaǵyn jáne orta bıznes ókilderi, bilim berý, den­saý­lyq saqtaý, sport salasynyń mamandary men stýdent jastar boldy. Alańǵa jınalǵandar qoldaryna Elbasy Nursultan Nazarbaev­tyń bıylǵy halyqqa arnaǵan Joldaýyn nasıhattaý baǵytynda jazylǵan plakattar men shaǵyn jalaýshalar ustap, «Alǵa, Qa­zaq­stan!», «Qa­zaq­stan – Nursultan!» dep urandatyp, aksııanyń mańy­zyn arttyra tústi. Sharany júrgizýshiler bıylǵy Joldaýdyń er­ek­sheligine toqtalyp, jurtshylyqty beıbitshilikke, birlikke shaqyrdy. Jıynda sóz alǵandar  Elbasy Joldaýyn  jáne alda bolatyn kezekten tys prezıdenttik saılaýda Nursultan Ábishulyn qyzý qoldaıtyndyqtaryn bildirdi. Aksııa sońy jergilikti ónerpaz­dar­dyń konserttik baǵdarlamasyna ulasty. Satybaldy SÁÝIRBAI, Aqtóbe oblysy.