Bas prokýratýranyń Quqyqtyq statıstıka jáne arnaıy esepke alý jónindegi komıtetinde quqyq buzýshylyqtardy boljaý jáne erte aldyn alý máseleleri jónindegi Konsýltatıvtik-saraptamalyq keńestiń kezekti otyrysy ótti, dep habarlaıdy Egemen.kz.
Otyrysqa Parlament Májilisiniń depýtattary Marat Sovetuly Bashımov, Ekaterına Vasılevna Smyshlıaeva, Ishki ister mınıstrliginiń, Ǵylym jáne joǵary bilim mınıstrliginiń «Ulttyq memlekettik ǵylymı-tehnıkalyq saraptama ortalyǵy» AQ-nyń, Ádilet mınıstrliginiń Zańnama jáne quqyqtyq aqparat ınstıtýtynyń ókilderi, L.N. Gýmılev atyndaǵy Eýrazııa ulttyq ýnıversıtetiniń «Astana» halyqaralyq ýnıversıtetiniń, Bas prokýratýra janyndaǵy Quqyq qorǵaý organdary akademııalarynyń jetekshi ǵalymdary, memlekettik organdar men uıymdardyń ókilderi qatysty.
Otyrysty asha otyryp, Komıtet tóraǵasy Nurlybaı Sábıt Komıtetke boljamdy-taldamalyq qyzmetti júzege asyrý jónindegi jańa fýnksııany bekitken zańnamalyq túzetýlerdiń qabyldanǵanyn, sondaı-aq budan buryn el basshylyǵyna kórsetilgen sıfrlyq transformasııa men jasandy ıntellektti engizý nátıjelerin atap ótti.
Komıtettiń qylmystyq qaýip-qaterdiń jáne qoǵamdyq qaýipsizdiktiń táýekelderin boljaý ortalyǵy qylmystyq qaýip-qaterler men qoǵamdyq qaýipsizdik táýekelderin boljaý júıesin engizý nátıjelerin, sondaı-aq odan ári damytý josparlaryn usyndy.
Ázirlengen sıfrlyq sheshimderdiń tájirıbelik mańyzdylyǵyna erekshe nazar aýdaryldy. Engizilgen sıfrlyq quraldar qazirdiń ózinde jasalǵan quqyq buzýshylyqtardy tirkep qana qoımaı, jasyryn táýekelderdi erte kezeńde – quqyqtyq aqparattyń úlken kólemderin taldaý, vedomstvoaralyq ıntegrasııalar derekteri men medıa keńistiktiń monıtorıngi negizinde anyqtaýǵa múmkindik beredi.
Júıeler quqyq buzýshylyqtardyń yqtımal dınamıkasyn boljaıdy jáne jaǵymsyz saldar týyndaǵanǵa deıin jaǵdaıdyń yqtımal eskalasııasy týraly belgi beredi.
Engiziletin quraldardy ǵylymı negizdeý úshin elimizdiń jetekshi ǵylymı-zertteý ınstıtýttarymen yntymaqtastyq jolǵa qoıylǵan.
Otyrysta «Astana» halyqaralyq ýnıversıtetiniń Aqparattyq tehnologııalar jáne ınjenerııa joǵary mektebiniń PhD professory Álibek Barlybaev qaıtalama quqyq buzýshylyqtardy boljaý jáne qylmysty keńistiktik taldaý salasyndaǵy ǵylymı zertteýlerdiń nátıjelerin usyndy.
Referendým: Daýys berý ýchaskesin qaıdan bilýge bolady?
Otyrys qorytyndysy boıynsha Parlament Májilisiniń depýtattary, Keńes músheleri Komıtet júrgizgen jumystardyń nátıjelerin oń baǵalap, sondaı-aq boljaý jáne erte aldyn alý júıelerin odan ári damytý boıynsha birqatar tájirıbelik usynymdar ázirledi. Osy usynystardy birlesip iske asyrý qoǵamdyq qaýipsizdikti qamtamasyz etýdiń jáne azamattardyń memlekettik ınstıtýttarǵa degen senimin arttyrýdyń pármendi quraly retinde «Zań men tártip» qaǵıdatyn nyǵaıtýǵa múmkindik beredi.
Elimizdegi eń iri JOO oqytýshylary men stýdentteri referendýmdi qoldady