Áleýmettik jelilerde taraǵan aqparatqa sáıkes, Shymkent qalasynda sabaq barysynda 7 jastaǵy oqýshy qyzǵa qatysty ádepsiz áreketter jasalǵan. Atalǵan derekke baılanysty mektep muǵalimi ustalyp, qamaýǵa alyndy, dep habarlaıdy Egemen.kz.
Bul málimetti qalalyq bilim basqarmasy rastady. Vedomstvonyń habarlaýynsha, oqıǵa «Nurtas» jekemenshik mektebinde tirkelgen.
«Kámeletke tolmaǵan qyz balaǵa ınformatıka páni muǵalimi tarapynan quqyqqa qaıshy áreketter jasalǵany anyqtaldy», dep málimdedi basqarma ókilderi.
Shymkent qalalyq polısııa departamenti atalǵan fakt boıynsha qylmystyq is qozǵalǵanyn habarlady. Kúdikti retinde qala turǵyny ustalyp, ýaqytsha ustaý ızolıatoryna qamalǵan.
Astanada 82 jastaǵy qarııa shóberesine zorlyq-zombylyq kórsetkeni úshin 20 jylǵa sottaldy
Qazirgi ýaqytta jedel-tergeý toby oqıǵanyń barlyq mán-jaıyn jan-jaqty jáne obektıvti anyqtaý úshin keshendi sharalar júrgizedi. Beınebaqylaý kameralarynyń jazbalary zerttelip, kýágerlerden jaýap alynyp jatyr.
Polısııa ókilderiniń aıtýynsha, tergeý barysy departament basshylyǵynyń erekshe baqylaýynda. Barlyq prosessýaldyq áreketter zań talaptaryna sáıkes júzege asady.