Aptap ystyqtyń bastalýymen jáne qaraqurttyń tirshilik etý ortasy ulǵaıatyn ýaqyt keldi. Demek, olarmen tabıǵat aıasynda kezdesip qalý qaýipi joǵary deıdi mamandar. Egemen.kz
Shyn máninde, bul órmekshilerdiń kórý qabileti nashar jáne ádette ózin-ózi qorǵaý úshin shaǵady. Alaıda olardyń neırotoksıkalyq ýy adamdar úshin de, janýarlar úshin de óte qaýipti. Tabıǵatta demalý kezinde ózińizdi jáne jaqyndaryńyzdy qorǵaý úshin bul qaýipti jándikterdiń túr-túsin, qaı jerde jıi jasyrylatynyn, shaqqan jaǵaıda ne isteý kerektigin aldyn ala bilý mańyzdy.
Entomolog-ǵalymdardyń sózinshe, qaraqurt kóktem men jazdyń basyndaǵy qurǵaqshylyqtyń saldarynan paıda bolady. Sebebi bul orta olardyń damýy úshin óte tıimdi. Olardyń kóbeıýiniń taǵy bir joly – ońtústik óńirlerden jıi tasymaldanatyn jemis-jıdek, kókónistermen birge «erip» kelýi.
«Kún raıy ylǵaldy nemese qatty jaýynnan soń qaraqurt qaıtadan «panasyna» tyǵylýyǵ tirshilik etý aımaǵyn azaıtýy múmkin. Shynymen, onyń ýy qaýipti. Sondyqtan oqys jaǵdaı bola qalsa, birden dárigerge qaralý kerek. Negizi, ony qandaı da bir aýmaqtan baıqaǵan kezde demalýshylarǵa bul jerde ýly jándiktiń baryn eskertý kerek», - deıdi mamadar.
Tabıǵat aıasyna demalýǵa shyqqan kezde saqtyq sharalaryn qatań eskergen jón. Aıtalyq, qaraqurt shaǵyp alsa, adamnyń ishi men keýdesi aýyryp, denesi jansyzdanyp qalýy yqtımal. Der kezinde dárigerler kómek kórsetilmegen jaǵdaıda adam 5-7 kún aralyǵynda ajal qushýy da múmkin. Sondyqtan abaı bolǵan abzal.