Búgin túsqaıta Atyraý qalasynda shańdy daýyl kóterildi. Oblys ákiminiń baspasóz qyzmetinen málim etkendeı, shańdy daýyl Kaspıı teńiziniń taıaz túbinen soqty, dep habarlaıdy Egemen.kz.
Al «Qazgıdromet» RMK óńirlik fılılalynyń deregine qaraǵanda, Kaspıı teńizi baǵytynan soqqan jeldiń jyldamdyǵy sekýndyna 10-13 metrge jetken.
«Aýa monıtorıngi stansııalarynda ruqsat etilgen normalardan asý deregi baıqalmaıdy. Oblystyq tótenshe jaǵdaılar departamenti men «Aqjaıyq» memlekettik tabıǵı rezervatynyń málimetterine sáıkes óńir aýmaǵynda órt tirkelgen joq. Atyraý oblysy boıynsha ekologııa departamenti shańdy daýyl kezinde qajettilik bolmasa, úıden shyqpaýdy usynady. Atalǵan departament mamandary atmosferalyq aýanyń sapasyna turaqty túrde monıtorıng jumysyn júrgizýdi qolǵa aldy», dep habarlady ákimdiktiń baspasóz qyzmeti.
41 gradýs aıaz: Elimizdiń birneshe óńirinde daýyldy eskertý jarııalandy