[caption id="attachment_52674" align="aligncenter" width="560"] Foto: ria.ru[/caption]
Germanııanyń Mıýnhen qalasyndaǵy saýda ortalyqtarynyń birinde atys boldy. RIA «Novostı» aqparat agenttiginiń aqparyna sáıkes, oqys oqıǵadan kem degende 15 adam qaza taýyp, on shaqtysy jaralanǵan.
Al Germanııanyń ishki ister mınıstrligi 3 adamnyń oqqa ushqanyn resmı túrde málimdedi. Jergilikti polısııa kúdiktiniń áli ǵımarat ishinde ekenin málimdedi. Osyǵan baılanysty tártip saqshylary turǵyndardyń qaýipsiz aımaqqa ketýin eskertti. Birneshe baǵyt boıynsha metro qozǵalysy ýaqytsha toqtatyldy. Sol sııaqty qalada kólik qozǵalysyna shekteý qoıyldy.
Alǵashynda oq atqan jalǵyz adam ári oqıǵa ornynan izin sýytyp úlgergendigi týraly aqparat taraǵan. Alaıda, polısııa qyzmetkerleriniń aıtýynsha, olar birnesheý bolýy múmkin. Qazirgi tańda Mıýnhen qalasynda arnaıy operasııa jumystary júrgizilýde.
«Kýágerler polısııa bólimshesine Hanaýershtrasse kóshesinde belgisiz bireýlerdiń atys uıymdastyrǵany, artynsha Rısshtrasse kóshesinde jáne «Olımpııa» saýda ortalyǵynda jalǵasqany týraly habarlaǵan bolatyn», – dedi quqyq qorǵaýshylardyń biri.
Aıan ÁBDÝÁLI