Prezıdent balalar men jasóspirimder sport mektepterin jan basyna shaqqandaǵy qarjylandyrý júıesine kóshirýdi kózdeıtin zańǵa qol qoıdy. Endi bir sportshyǵa jylyna shamamen 415 myń teńge bólinedi, dep habarlaıdy Egemen.kz.
Eske sala keteıik, buǵan deıin bir sportshyǵa shaqqandaǵy jyldyq qarjy kólemi 233 myńdy quraǵan. Sondaı-aq jańa zań boıynsha biliktiligi rastalǵan balalar men jasóspirimder sport mektepteri jattyqtyrýshylarynyń jalaqysy 30 paıyzǵa artady.
Atyraýda daryndy balalarǵa arnalǵan sport mektebi salynyp jatyr
Búginde elimizde 526 sport mektebinde 400 myńǵa jýyq bala jattyǵady. Jaýapty mınıstrliktiń málimetinshe, salany damytýǵa 2028 jylǵa deıin 74 mıllıard teńge baǵyttalmaq. Sonymen qatar sporttyq ınfraqurylym da qarqyndy damyp keledi. Atyraý oblysynda memlekettik-jekeshelik áriptestik aıasynda daryndy sportshylarǵa arnalǵan zamanaýı mektep-ınternat salynyp jatyr.
Aqtóbe soty eki sport mektebiniń dırektoryna úkim shyǵardy
Barlyq sharalar bolashaq chempıondardy tárbıeleýge jáne buqaralyq sportty damytýǵa baǵyttalǵan.
Nurbolat AMANBEK