Qarjylyq monıtorıng agenttigi «QazTemirTrans» AQ-nyń burynǵy vıse-prezıdenti A.A. Kapenovke qatysty tergeý júrgizip jatyr. Is qyzmettik ókilettikterdi teris paıdalaný jáne qarjy jymqyrý kúdigi boıynsha qaralýda, dep habarlaıdy Egemen.kz.
Tergeý derekterine sáıkes, ol qyzmetin paıdalanyp, júk vagondaryn basqarý qyzmetterin kórsetý kezinde ózine jaqyn kompanııalarǵa zańsyz artyqshylyq bergen. Sonyń saldarynan kompanııaǵa 5,2 mlrd teńgeden astam shyǵyn keltirilgen.
Qazirgi ýaqytta Kapenov halyqaralyq izdeýge jarııalanǵan. Sot sheshimimen oǵan qamaýǵa alý túrindegi bultartpaý sharasy taǵaıyndalǵan.
Júrgizýshi kýáligin zańsyz alý: Elimizdiń birneshe óńirinde 60-tan astam jemqorlyq faktisi áshkere boldy
Zalaldy óteý jáne zańsyz alynǵan aktıvterdi qaıtarý maqsatynda Bas kólik prokýratýrasy «Dostyq» stansııasyndaǵy termınaldy tárkileýdi suraǵan. Astana qalasynyń qylmystyq ister jónindegi aýdanaralyq soty bul múlikti memleket menshigine berý týraly sheshim shyǵardy.
Qazirgi ýaqytta tergeý jalǵasýda. Qylmystyq-prosestik kodekstiń 201-babyna sáıkes, ózge aqparat jarııa etilmeıdi.