Elimizde azamattardyń derbes derekterin ıemdenýge baǵyttalǵan telefon alaıaqtarynyń áreketi jıilep otyr. Osyǵan baılanysty Ulttyq bank turǵyndardy saq bolýǵa shaqyrady, dep jazady Egemen.kz.
Siltemege ótken jaǵdaıda qoldanýshy ekinshi deńgeıli bank nemese mıkroqarjy uıymynyń resmı saıtyna uqsas jalǵan platformaǵa tap bolýy múmkin. Onda azamattan logın, telefon nómiri, jeke kýálik derekteri, bank kartasynyń málimetteri sııaqty qupııa aqparatty engizý talap etiledi.
Keıbir jaǵdaılarda mundaı siltemeler arqyly telefonǵa zııandy faıl nemese qosymsha júkteledi. Ol ornatylǵan soń qaskóıler qurylǵyny qashyqtan basqarýǵa jáne jeke derekterge qol jetkizýge múmkindik alady.
Sıfrlyq teńge – ınvestısııalyq qural emes: Ulttyq bank azamattarǵa eskertý jasady
Osyǵan baılanysty Ulttyq bank kúmándi siltemelerge ótpeýge keńes beredi. Qajet bolǵan jaǵdaıda azamattar ózderiniń nesıe tarıhyn Memlekettik kredıttik bıýro saıty nemese elektrondyq úkimet portaly arqyly teksere alady. Sonymen qatar «Stop-kredıt» qyzmetin qosý arqyly onlaın nesıe rásimdeýge shekteý qoıýǵa bolady.
Retteýshi organ sondaı-aq óz qyzmetkerleri aýdıo nemese beıneqońyraý shalmaıtynyn, jeke tulǵalardyń shotyna qyzmet kórsetpeıtinin jáne qandaı da bir qarjy ónimderine ınvestısııa salýǵa shaqyrmaıtynyn eske saldy. Budan bólek, eske salaıyq, Ulttyq bank saqtandyrý qyzmetimen aınalyspaıdy jáne halyqpen tikeleı aqshalaı esep aıyryspaıdy.
Eger azamattar alaıaqtyq áreketke tap bolsa, quqyq qorǵaý organdaryna júginý qajet. Al keńes alý úshin Ulttyq banktiń baılanys ortalyǵyna 1477 qysqa nómiri arqyly habarlasýǵa bolady.
Ulttyq bank álemdik fýtbol dodasyna arnalǵan kolleksııalyq monetalar shyǵarady