Jetisý oblysyna qarasty Jarkent qalasyndaǵy orta mektepte zamanaýı STEM zerthanasy jumys istep tur. Bul bilim alańy oqýshylardyń teorııalyq bilimin tájirıbemen ushtastyryp, ınjenerlik oılaý men shyǵarmashylyq qabiletin damytýǵa jol ashyp otyr, dep jazady Egemen.kz.
Búginde mektep maqtanyshyna aınalǵan zerthana birneshe baǵyt boıynsha jumys isteıdi. Árqaısysy oqýshynyń qabiletin ashýǵa baǵyttalǵan. Injenerııa alańynda jasóspirimder kúrdeli syzbalar ázirlep, kópirlerdiń beriktigin synaıdy, tipti jel elektr stansııalarynyń modelderin qurastyrady. Al IT jáne robototehnıka baǵytynda oqýshylar Arduino men LEGO jıyntyqtaryn paıdalanyp, robottardy baǵdarlamalap, olardy túrli kedergilerden ótkizýge mashyqtanady.
«Keleshek mektepteri» rekordtarǵa jol ashty
Zerthananyń taǵy bir mańyzdy bóligi – kreatıvti hab. Munda oqýshylar toppen jumys istep, jobalaryn qorǵaıdy, startap ıdeıalaryn talqylap, óz oıyn erkin jetkizýdi úırenedi. Bul – tek tehnıkalyq bilim emes, komandalyq jumysty qalyptastyratyn orta.
Mektep oqýshylarynyń qolynan shyqqan «BILIM TREND STEM», «Aqyldy jylyjaı», «Aqyldy qoqys jáshigi» jobalary búginde erekshe qyzyǵýshylyq týdyryp otyr. Bul bastamalar ekologııalyq jáne áleýmettik máselelerdi sheshýge baǵyttalǵan naqty jobalar retinde baǵalanyp otyr. Oqýshylar 3D modeldeý arqyly jobalaryn ázirlep, 3D prınterden basyp shyǵarady, sondaı-aq baǵdarlamalaý arqyly alǵashqy mobıldi qosymshalar men oıyndaryn jasap júr.
«Keleshek mektepteri» barlyq mekteptiń damýyna negiz bolady
Zerthananyń basty ereksheligi – jobalyq oqytý tásili. Munda ár oqýshy «Bul bilim maǵan ne úshin qajet?» degen suraqqa naqty jaýap tabady. Máselen, sýdyń sapasyn anyqtaıtyn avtomatty qurylǵy jasaý arqyly olar ekologııa máselesine naqty úles qosady.
Mundaı bilim alańdary – tehnologııalyq damýdyń berik irgetasy. Sebebi oqýshy fızıka zańdaryn robot qurastyrý arqyly meńgerip, matematıkalyq esepterdi 3D modeldeý arqyly sheshkende onyń tanymy keńeıe túsedi.
Jalpy, STEM zerthanasy – balalardyń armanyna qanat bitirip, olardy úlken ǵylym jolyna jeteleıtin mańyzdy bilim keńistigi.
«Keleshek mektepteri»: Elimizde 217 zamanaýı bilim oshaǵy ashyldy