Foto: ashyq derekkóz
«Kámeletke tolmaǵandardyń materıaldyq syıaqy alý maqsatynda áleýmettik jeliler men messendjerler arqyly úshinshi tulǵalardyń ótinishimen sim-kartalardy iske qosyp, olardy áleýmettik jeliler men messendjerlerge tirkep, keıin basqa adamdarǵa berý jaǵdaılary tirkelip jatyr», dedi IIM kıberqylmysqa qarsy is-qımyl departamentiniń basqarma bastyǵy Beıbit Birjanov.
Alaıaqtardyń jańa aılasy: Apple-den kelgen hat sizdi taqyrǵa otyrǵyzýy múmkin
Onyń aıtýynsha, qaskóıler bul akkaýnttardy azamattarǵa alaıaqtyq qońyraýlar jasaý úshin paıdalanady.
«Áleýmettik jeliler men messendjerlerdegi akkaýnttardy tirkeý jáne olardy bógde adamdarǵa berý alaıaqtyq pen ózge de zańsyz áreketterdi jasaý quralyna aınalýy múmkin. Qazaqstan Respýblıkasynyń zańnamasyna sáıkes mundaı áreketter qylmys jasaýǵa járdemdesý retinde qaralady», dedi Beıbit Birjanov.
Ishki ister mınıstrligi azamattardy:
- shyǵý tegi kúmándi sim-kartalar men qurylǵylardy satyp almaýǵa jáne taratpaýǵa;
- óz akkaýnttaryn úshinshi tulǵalardyń paıdalanýyna bermeýge;
- kámeletke tolmaǵandarǵa mundaı áreketterdiń jaýapkershiligi men saldaryn túsindirýge;
- abonenttik nómirlerdi messendjerlerde tirkep, keıin olardy bógde adamdarǵa bermeýge;
- kúdikti áreketter baıqalsa, quqyq qorǵaý organdaryna habarlaýǵa shaqyrady.
Qorapqa qolyńyzdy tıgizbeńiz: Astanada alaıaqtardyń jańa ádisi jurtty dúrliktirdi
Polısııa sıfrlyq keńistiktiń barlyq qatysýshylaryna qyraǵy bolýdy usynady.
Buǵan deıin Talǵar qalasynda alaıaqtar «Djekı Channyń beınesin» paıdalanyp, zeınetkerdi aldaýǵa áreket jasaǵanyn jazǵan edik.
