Energetıka mınıstrligi kóktemgi egis jumystaryn júrgizý úshin aýyl sharýashylyǵy taýaryn óndirýshilerdi dızel otynymen qamtamasyz etý jumystaryn jalǵastyryp jatyr, dep habarlaıdy Egemen.kz.
Jyl basynda Energetıka jáne Aýyl sharýashylyǵy mınıstrlikteri egis naýqanyna arnalǵan 402 myń tonna dızel otynyn jetkizý kestesin bekitti. Bıyl jetkizilim 1 aqpanda bastalyp, 30 maýsymǵa deıin jalǵasady.
Energetıka mınıstrligi usynǵan dızel otynynyń baǵasy óńirlerdegi jetkizý stansııasyna deıin QQS-pen birge lıtrine 263 teńge. Sońǵy baǵany óńirlik operatorlar aıqyndaıdy jáne ol lıtrine 281 teńgege deıin bolýy múmkin. Bul ortasha bólshek saýda baǵasynan 49 teńgege nemese 15%-ǵa tómen.
Aýyl sharýashylyǵy taýaryn óndirýshilerge arnalǵan dızel otynyn bólýdiń ashyqtyǵyn jáne onyń qozǵalysyn baqylaýdy qamtamasyz etý maqsatynda buǵan deıin birqatar qosymsha sharalar engizilgen bolatyn.
Elimizdiń qaı óńirinde benzın men dızel arzan?
Atap aıtqanda, jeke PIN-kodtar belgilenip, otyndy sary, kók jáne qyzyl tústerge boıaý júıesi engizildi, sondaı-aq elektrondyq shot-faktýralar júıesinde dızel otynyna arnalǵan jeke vırtýaldy qoıma quryldy.
Qabyldanǵan sharalar dızel otynyn maqsatsyz paıdalaný kólemin azaıtýǵa múmkindik berdi. Atap aıtqanda, naqty tutyný kólemi 729 myń tonnadan 602 myń tonnaǵa deıin tómendep, 21%-ǵa qysqardy.
Dıqandar bıyl dızeldi qansha teńgege satyp alady?
Energetıka mınıstrligi aýyl sharýashylyǵy taýaryn óndirýshilerdi dızel otynymen úzdiksiz qamtamasyz etý máselesin turaqty baqylaýda ustap otyr.