25 mamyrda Qazaqstannyń 16 oblysynda aýa raıyna baılanysty eskertý jarııalandy. Sınoptıkter naızaǵaı, shańdy daýyl, qatty jel jáne úsik bolatynyn eskertti, dep habarlaıdy Egemen.kz.
Ulytaý oblysynda joǵary jáne tótenshe órt qaýpi saqtalady. Jezqazǵanda da órt qaýpi óte joǵary deńgeıde bolady.
Pavlodar oblysynyń shyǵysynda túnde 1 gradýsqa deıin úsik júredi. Sonymen qatar óńirde tótenshe órt qaýpi yqtımal.
Jetisý oblysynda Alakól mańynda jeldiń ekpini 15-20 m/s-qa deıin kúsheıedi. Oblystyń kóp bóliginde joǵary órt qaýpi, al shyǵysynda tótenshe órt qaýpi kútiledi. Taldyqorǵanda da órt qaýpi joǵary bolady.
Jambyl oblysynyń taýly aımaqtarynda jańbyr, naızaǵaı jáne tuman kútiledi. Keı jerlerde jel sekýndyna 15-20 metrge deıin kúsheıedi.
Soltústik Qazaqstan oblysynda jańbyr men naızaǵaı bolady. Keı óńirlerde tuman túsip, jeldiń ekpini 15-20 m/s-qa jetedi. Petropavlda da qatty jel kútiledi.
Túrkistan oblysynyń ońtústigi men taýly aımaqtarynda qysqa merzimdi jańbyr jaýyp, naızaǵaı oınaıdy. Shymkentte de kúndiz jańbyr men naızaǵaı bolady.
Qyzylorda oblysynyń ortalyǵynda shańdy daýyl soǵady. Jel kúsheıip, oblystyń kóp bóliginde joǵary jáne tótenshe órt qaýpi saqtalady.
Batys Qazaqstan jáne Atyraý oblystarynda da joǵary órt qaýpi jarııalandy. Atyraý óńiriniń keı bólikterinde tótenshe órt qaýpi kútiledi.
Qostanaı oblysynyń shyǵysy men ońtústik-shyǵysynda jańbyr jáne naızaǵaı bolady.
Astanada kúndiz qysqa merzimdi jańbyr jaýyp, naızaǵaı kútiledi.
Aqmola oblysynda jańbyr, naızaǵaı jáne qatty jel bolady. Kókshetaýda da osyndaı aýa raıy saqtalady.
Mańǵystaý oblysynyń batysy men ońtústiginde jańbyr jaýyp, naızaǵaı bolady. Aqtaýda da kún raıy qubylmaly bolady.
Abaı jáne Shyǵys Qazaqstan oblystarynda túnde 2 gradýsqa deıin úsik júredi. ShQO-da keı jerlerde qar aralas jaýyn-shashyn, sondaı-aq tuman kútiledi.
Almaty oblysynyń soltústiginde órt qaýpi joǵary bolady dep boljanǵan.
Qaraǵandy oblysynda túnde jáne tańerteń tuman túsedi. Oblystyń kóp bóliginde joǵary jáne tótenshe órt qaýpi saqtalady.