Prezıdent Qasym-Jomart Toqaev qazaq-belorýs strategııalyq seriktestiginiń qarqyny joǵary ekenin atap ótti, dep habarlaıdy Egemen.kz Aqordanyń baspasóz qyzmetine silteme jasap.
Prezıdent Qasym-Jomart Toqaev qazaq-belorýs strategııalyq seriktestiginiń qarqyny joǵary ekenin atap ótti.
«Biz Sizdermen barlyq salada yntymaqtastyqty damytýǵa aıryqsha nazar aýdaramyz. Belarýs memlekettiligine, onyń tól mádenıeti men tarıhyna qurmetpen qaraımyz. Yqpaldastyǵymyz, ásirese, ekonomıkalyq salada dáıekti túrde damyp keledi dep aıtýǵa tolyq negiz bar. Osy múmkindikti paıdalana otyryp, Belarýs memleketiniń basshysy Aleksandr Grıgorevıch Lýkashenkoǵa ystyq yqylasymdy joldaımyn. Bıyl mamyr aıynda Joǵary Eýrazııalyq ekonomıkalyq keńes otyrysyn ótkizemiz. Sol kezde kópjaqty kún tártibinen bólek, elderimiz arasyndaǵy yntymaqtastyqty damytýǵa baılanysty basqa da máselelerdi mindetti túrde talqylaımyz», dedi Memleket basshysy.
Qasym-Jomart Toqaev belsendi ári ózara senimge qurylǵan dıalogty jalǵastyrý, sondaı-aq joǵary deńgeıde qol jetkizilgen ýaǵdalastyqtardy iske asyrý qajettiligine toqtaldy.
Belarýs syrtqy ister mınıstri arnaıy qabyldaǵany úshin Memleket basshysyna alǵys aıtyp, Prezıdent Aleksandr Lýkashenkonyń izgi sálemin jetkizdi.
«Eń áýeli Prezıdentimiz Aleksandr Grıgorevıch Lýkashenkonyń atynan Sizderge memleketti órkendetý, Qazaqstannyń zamanaýı kelbetin qalyptastyrý jáne azamattardyń ál-aýqatyn arttyrý isinde tolaıym tabys tileımin. Qazaqstannyń búgingi saıasatynyń túp negizinde qarapaıym adamnyń, halyqtyń jáne memlekettiń múddesi jatqanyn atap ótkim keledi. Mundaı áleýmettik saıasat elderimizdi jaqyndastyryp, barlyq baǵyttaǵy baılanystarymyzdy bekemdeı túsedi. Al memleketter basshylary arasyndaǵy jeke qarym-qatynas bárimizge úlgi. О́zara yqpaldastyqtyń barlyq deńgeıinde Sizderdiń qoldaýlaryńyzdy sezinip otyramyz», dedi Maksım Ryjenkov.
Áńgimelesý barysynda ónerkásip kooperasııasy, kólik, aýyl sharýashylyǵy, týrızm jáne basqa da baǵyttar boıynsha yntymaqtastyqty tereńdetýdiń mańyzy atap ótildi.
Memleket basshysy Irak prezıdentine quttyqtaý jedelhatyn joldady
Qazaqstan ónimderiniń eksportyn ulǵaıtý máselesine erekshe nazar aýdaryldy. 2025 jyldyń qorytyndysy boıynsha eki el arasyndaǵy taýar aınalymy 30 paıyzǵa artyp, 1,2 mıllıard dollardy quraǵan.
Qazaqstan Prezıdenti Almaty qalasynda Belarýs Respýblıkasynyń Bas konsýldyǵyn ashý josparyn quptap, bul memleketterimizdiń aımaqtary arasyndaǵy baılanysty keńeıte túsetinine senim bildirdi.
Budan bólek, Qasym-Jomart Toqaev pen Maksım Ryjenkov óńirlik jáne halyqaralyq kún tártibindegi ózekti máseleler jóninde pikir almasty.
Prezıdent Qazaqstannyń Koreıa men Mıanmadaǵy elshilerin taǵaıyndady