Bedeldi týrıstik kompanııalardyń biri qalta qaqqysh urylary kóp qalalardyń tizimin jarııalady.
Tizimniń kósh basynda Barselona tur. Barselonada kún saıyn orta eseppen 300 adam ámııanynan nemese sómkesinen aıyrylady eken.
Jurt «mahabbat qalasy» atap ketken Parıj de urylar úshin «jemisti» jer sanalady. Monmartr alańynda, Eıfel munarasynyń mańaıynda ańǵal týrısterdi qan qaqsatatyndardyń kesirinen Parıj ekinshi oryndy ıelendi.
Úshinshi orynǵa Ispanııa astanasy Madrıd jaıǵasty. Madrıdtiń metrolary týrıster úshin ǵana emes, jergilikti halyq úshin de qaýipti sanalady.
Praga men Rım de týrıster jıi tonalatyn qalalardyń bestigine enip otyr. Ásirese, Rımdegi Kolızeıde kún saıyn ondaǵan týrıst qalta qaqqyshtardyń qurbany bolady eken.
Nurtóre SAMARQAN