Teledıdardyń aldynda kóp otyrý adamnyń densaýlyǵyna aıtarlyqtaı zııan keltirip, ómirin qysqartady. Jıyrma jyldy qamtyǵan zertteý nátıjesinde japon ǵalymdary osyndaı qorytyndy jasady.
Ǵalymdar aldymen 40-80 jas aralyǵyndaǵy adamdardan kún saıyn neshe saǵat teledıdar kóretinderin surastyrypty. Arada jıyrma jyl ótkende saýaldamaǵa qatysqan adamdardyń ishinde kún saıyn birneshe saǵat ýaqyt teledıdar kórgenderi erterek qaıtys bolyp ketkeni anyqtalǵan. Olardyń kópshiliginiń ólimine ókpe arterııalarynyń bitelip qalýy sebep bolǵan eken.
Zertteýshilerdiń aıtýynsha, teledıdarǵa telmirip qozǵalyssyz otyrǵan kezde adamnyń aıaǵy qozǵalysqa túspegendikten, qan aınalymy baıaýlaıdy. Sonyń saldarynan qantamyrlarda uıyǵan túıirshikter paıda bolady. Uıyǵan túıirshikter birinshi kezekte ókpe arterııalaryn bitep tastap, adamnyń ómirine qaýip tóndiredi eken.
Aıbyn AQPATShA