Qytaıdyń Hýnan provınsııasynda shynydan jasalǵan kópir ashyldy. Tıanmen taýyn aınalyp ótetin kópirdiń bıiktigi 1 500 metr shamasynda. Júrek jutqan júrginshiler osynsha bıiktikte endi 100 metr jerdi áınektiń betimen júrip ótýge tıis.
Kópirdiń edeni 3 qabatty áınekten jasalǵan. Ol 2 tonnaǵa jýyq salmaqqa tótep beredi, +60 temperatýrada, jyldamdyǵy 220 shaqyrym saǵat soǵatyn jeldiń kezinde de qasıetin joǵaltpaıdy.
Qurylys salýshy kompanııanyń aıtýynsha, shyny kópirdi jýyp-tazalaıtyn adamdardy tabý ońaı emes eken. Sol úshin týrısterge aıaq kıiminiń syrtynan bahıl kııýge týra keledi. Olarǵa eshqandaı saqtandyrý beldigi berilmeıdi. Arnaıy daıyndalǵan mamandar ǵana týrısterge kez kelgen ýaqytta kópirden ótýge járdemdesip, moraldyq kómek berýge ázir.
Bul Qytaıdaǵy áınekten jasalǵan úshinshi kópir ekenin aıta ketý kerek. Bul jolǵysy osylardyń ishindegi eń bıigi ári uzyny eken.
Nurhan ASQAR