Eli Elbasyna senedi

Halyq Elbasynyń jyl saıynǵy Joldaýyn asyǵa kútedi. Sebebi, osy Joldaý respýblıka turǵyndaryna saıası, ekonomıkalyq, áleýmettik tur­ǵy­dan jiger bereri haq. Jyl saıynǵy Joldaýlardaǵy tap­syr­malardyń iske asyp jat­qanyn da kózimizben kórip, jemisin tatyp jatyrmyz. Bıylǵy «Bolashaqtyń irgesin birge qa­laımyz» atty Joldaýdaǵy me­jelengen baǵyt­tar da ádettegi­deı salmaqty ári kóńilge qonymdy. Bul Joldaýda qamtylǵan máseleler halyqtyń áleýmettik jaǵdaıyn jaqsartýǵa, eldigimizdi nyǵaıtýǵa, ekonomıkamyzdy da­mytýǵa, Táýelsizdigimizdiń 20 jyl­dyǵyn tabysty qarsy alýǵa, so­ny­men qatar, ardagerlerdiń ál-aýqa­tyn jaqsarta túsýge naqty sha­ralardy aıqyndap berýimen qun­dy desem, artyq aıtqandyq bolmas. Joldaýdaǵy aýyl sharýa­shy­ly­ǵyn damytý, sybaılas jem­qorlyqqa qarsy kúresti kúsheıtý ár basshyǵa, ár Qazaqstannyń turǵynyna zań sheńberinde qadam jasaýǵa jol ashatyny anyq. Bizdiń bolashaq urpaǵymyz zaıyrly memlekette turǵan­dyq­tan, óz quqyǵyn biletin azamat bolyp qalyptasýy kerek. Sony­men qatar, halyqtyń áleýmettik jaǵ­daıyn kóterý úshin ekono­mıkany birinshi kezekte jan-jaq­ty damytsaq, ol halyqtyń erteń­gi kıimi, tamaǵy degen uǵymdy bildiredi. Bilimdi urpaqty tárbıeleý – ol memlekettiń birinshi tabysy. Ekonomıkamyz, mádenıetimiz ben ishki jáne syrtqy saıasatymyz arqyly 50 memlekettiń qataryna kirip, oryn alýymyz Elbasy eńbeginiń nátıjesi. Halyqty demeýshi ári tany­tý­shy óner ekendigi belgili. Ár ult óziniń tili, ádebıeti, óneri, salt-dástúri arqyly erekshelenedi. Al ózim óner adamy bolǵan­dyqtan, Joldaýdaǵy osy salaǵa jańashyldyqpen mán berilýi erekshe qýanyshqa bóledi. Joldaýdy tyńdaı otyryp, Elbasynyń boıyndaǵy túrli qa­sıetterge, óz halqyna degen sheksiz súıispenshiligine tánti bol­dym. Táýelsiz memleketi­miz­diń atyn asqaqtatyp, óskeleń urpaqqa, bolashaqqa senimmen qaraýǵa jaǵdaı týǵyzyp otyr­ǵan ózińizdeı Elbasyna aýdan­nyń soǵys jáne eńbek ardagerleri atynan myń da bir alǵy­symdy bildiremin. Nursultan Nazarbaev beıbitshilikti, yntymaq pen birlikti tý etip ustap, halqynyń el-jurtyn muratyna jetkizip otyr­ǵan Ult Kóshbasshysy, álem­dik deńgeıdegi memleket qaırat­keri. Almaty oblysy Ile aýda­ny­nyń halqy Elbasyn bir úıdiń balasyndaı qoldaıdy. О́ıtkeni, Elbasy bastaǵan Qazaq eliniń nyǵaıa beretinine senedi. Tórtken KENENQYZY, Ile aýdanynyń qurmetti azamaty. Almaty oblysy.