Búgin Sankt-Peterbýrg qalasynda Reseı prezıdenti Vladımır Pýtın men Túrkııa prezıdenti Redjep Taııp Erdoǵannyń arasyndaǵy kelissóz bastaldy. Ol eki el lıderleriniń Strelnıadaǵy Konstantın saraıynyń grek qonaq bólmesinde bir-birlerine qol berýlerinen arna tartty.
Eki memlekettiń basshylary Reseıdiń Sý-24 bombardırovshıgi Sırııa aspanynda túrikter tarapynan atyp túsirilýine baılanysty týyndaǵan 8 aılyq salqyn qabaq qarym-qatynasynan keıin osy joly birinshi ret qaıta kezdesip otyr.
Zalǵa birinshi bolyp Pýtın kirdi, sodan keıin araǵa eki mınýt salyp, Erdoǵan keldi. Lıderler jýrnalısterdiń alǵaýynda bir-birleriniń qoldaryn alyp, jarqyn júzben sálemdesti. Shaǵyn ústeldiń eki jaǵyna ornalasqan oryndyqtarǵa otyrǵan Pýtın men Erdoǵan sosyn alda ótkeli turǵan kelissózder taqyryby týrasynda qysqasha málimdemeler jasady. Olardyń osydan keıingi kezdesýleri baspasóz quraly ókilderiniń qatysýynsyz órbidi.
Murat AITQOJA