Rıo-de-Janeıroda ótip jatqan Olımpııalyq oıyndardyń boks týrnırinde birinshi 1/16 fınaldyq shaıqasyn brıtanııalyq Entonı Foýlermen ótkizip, 3:0 esebimen jeńiske jetken 75 kg salmaqtaǵy jerlesimiz Jánibek Álimhanulynyń kelesi aınalymdaǵy qarsylasy anyqtaldy.
Jánibek 1/8 fınalda osynyń aldynda kongolyq Mıp Ngamıssengýeni 3:0 etip tize búktirgen aljırlik Ilıas Abbadımen qolǵap túıistiretin boldy. Al bul juptan jeńip shyqqan boksshy 1/4 fınalda reseılik Artem Chebotarev pen ázerbaıjan Kamran Shahsývarly jekpe-jeginiń jeńimpazymen judyryqtasady.
Aıta keteıik, ázerbaıjan boksshysy budan birneshe jyl buryn Aqtóbede turyp, úsh ret Qazaqstan chempıonatyna qatysqan. Ol eki ret bizdiń elimizdiń qola júldegeri atanǵan.
Dastan KENJALIN
Foto: facebook