Búgingi kúni medıatorlardyń kelistirýimen jáne tatýlastyrýymen bitken istiń mysaldaryn kóp kezdestire bermeıtinimiz jasyryn emes. Al tómendegi jáıt osynyń oń mysaly bola alady.
Máseleniń mánisi mynada. О́ńirdegi JShS-nyń birine ekinshi bir seriktestik 15 mıllıon tengege jýyq kólemde bereshek bolyp qalady. Naqtyraq aıtqanda, olardyń biri áriptesinen jalǵa alynǵan tehnıka úshin aqy tóleý týraly ýádesi men mindettemesin oryndamaǵan. Osyǵan baılanysty alǵashqy JShS jetekshisi ony kórshiles áriptesinen óndirip alý jóninde mamandandyrylǵan ekonomıkalyq sotqa talap-aryz joldaıdy. Istiń barysymen tanysý kezinde daýdy medıasııalyq kelisim jolymen retteýge bolatyny jóninde ortaq uıǵarym jasalady. Taraptar buǵan kelisim beredi.
О́ńirdegi «Tatýlas» medıatorlar tobynyń qatýysymen ótkizilgen kelisim kezinde jaýapker on bes mıllıon tengege jýyq bereshek somany óz erkimen moıyndap, ony tóleýge ázir ekenin málimdedi. Sodan soń talapker ózi jazǵan talap aryzdan tolyqtaı bas tartty. Taraptardyń mundaı medıasııalyq kelisimge kelýi zańǵa qaıshy kelmeıdi. Ári ekinshi jaqtyń quqyqtary men bostandyqtaryn jáne zańmen qorǵalatyn múddelerin buzbaıdy. Soǵan sáıkes sot ony bekitip, is júrgizýdi qysqartty.
Temir QUSAIYN