Alǵa súıregen bir úmit

Men uzaq jyl atamekenimnen jyraqta júrdim. О́zbekstannyń Naýaı oblysynda týyp-ósip, osy ob­lystaǵy qazaq tilinde oqy­tatyn orta mektepte bilim aldym. 1983 jyly N.V. Gogol atyn­daǵy Qyzylorda pedagogıka ıns­tıtýtynyń fılologııa fakýl­tetin qazaq tili men ádebıeti páni­niń muǵalimi mamandyǵy bo­ıynsha bitirdim. Sodan 2005 jylǵa deıin О́zbekstannyń  Naýaı oblysyndaǵy orta mektep­terde oqytýshy, qazaq tilinde shyǵatyn aýdandyq  «Kenımeh tańy» gazetinde tilshi qyzmetterin atqar­dym. Osy jyldar aralyǵynda túrli taqyryptaǵy óleń, maqala­larym respýblıkalyq basylym­darda jarııalanyp turdy. Ási­rese, «Altyn besik» jýrnalynda «Álem qazaqtary syr shertedi» aıdarymen jaryq kórgen  «Qal­dash jyraý» atty maqalam meniń atamekenge  jetsem degen tal­pyny­symdy kúsheıtip, kóńilime qanat bergeni áli esimde. Sol jýr­­naldy qolyma alyp, óz maqa­lamdy qadalyp oqyǵan sáttegi qýa­nyshym, ataqonysyma degen  saǵy­nyshym, týǵan tilime degen súıis­penshiligim – armanǵa toly jyr shýmaqtarymnyń arqaýyna aınaldy. 2005 jyly atajurtqa qonys aýdaryp, Jambyl oblysynyń Jambyl aýdanyndaǵy orta mek­tepke ýaqytsha  jumysqa qa­byldandym. Bos oryn bol­maǵandyqtan, bir jyldan soń  jumystan shyǵyp qaldym. Osy oblystaǵy bilim ordalarynyń birinde taǵy bir jylǵa jýyq óz pánim boıynsha dáris berdim. Qysqasy, eki-aq  jyl ustazdyq etippin. Iá, jyldar jyljyp óte berdi. Jumyssyzdyq janyma batty. «Aldamshy eles syqyldy  úmit qýyp» dep Qasym aqyn aıtqandaı, jumyssyz júrgen kúnderime, jyldaryma ishim ashıdy, ókinemin. Jýyrda gazetten «Jumyspen qamtýdyń jol kartasy-2020» baǵdarlamasy  boıynsha ońtús­tikten soltústikke qonys aýdarý­shylar  týraly oqyp, bildim. Men de Soltústik Qazaqstan ob­lysyna barý maqsatynda T­araz qalasyndaǵy jumyspen qam­tý bólimine ótinish jazyp, tıisti qujattardyń kó­shir­melerin tapsyrǵan edim. Bi­raq soltústikten áli hat-ha­bar joq. Telefon arqyly til­deskenimizde «Bos jumys oryndaryn izdestirýdemiz, sizdiń túıindeme, saýalnamalaryńyzdy tıisti oryndarǵa joldadyq», dedi olar. «Qımyldaǵan qyr asar» de­mekshi, ózim de beker jatpaı, óz kásibim boıynsha jumysqa ornalassam degen oı-armanymdy qaǵazǵa túsirip, soltústiktegi qazaq tilinde shyǵatyn basy­lym­dardyń birine joldadym. Aýdandyq gazetterden, bilim ordalarynan bos jumys oryn­dary tabylyp qalar degen oı qolyma qalam alǵyzdy. «Osyndaı maman qajet edi» dep eshkim habarlaspasa da, úmitimdi úzgim kelmeıdi, keler kúnderge senimmen qaraımyn. О́ıtkeni,  «Jumyspen qamtýdyń jol kartasy-2020»  baǵdarlamasy – maǵan berilgen bir múmkindik, alǵa súıregen bir úmit. Ishki kóshi-qon máselesimen shuǵyldanýshylarmen oı bólis­kenimde, olar «Osy baǵdarlama arqyly óz kásibińiz boıynsha jumysqa ornalasatyndyǵyńyzǵa sene berińiz», degen edi. Laıym solaı bolǵaı! Quttymurat RAMANULY Jambyl oblysy, Shóldala aýyly