Aýa raıynyń qolaısyzdyǵyna baılanysty Qazaqstannyń alty oblysynda respýblıkalyq mańyzy bar avtojoldarda qozǵalysqa shekteý qoıyldy, dep habarlaıdy Egemen.kz.
«QazAvtoJol» kompanııasynyń málimetinshe, 26 aqpan kúni saǵat 08:30-daǵy jaǵdaı boıynsha jeti respýblıkalyq avtojol ýchaskesinde ýaqytsha qozǵalys shektelgen. Shekteýler aýa raıynyń kúrt nasharlaýyna baılanysty engizilgen.
Aqtóbe oblysynda Reseı Federasııasy shekarasy – Mártók – Aqtóbe – Qarabutaq – Qyzylorda – Shymkent – Taraz – Qordaı – Almaty – Qorǵas – Qytaı Halyq Respýblıkasy shekarasy baǵytyndaǵy joldyń 776-1240 shaqyrym aralyǵy (AZS «EKO Oıl» – Yrǵyz aýyly – Qyzylorda oblysynyń shekarasy) jabyldy.
Jambyl oblysynda Atalǵan halyqaralyq dálizdiń 159-238 shaqyrymy (Kenen aýyly – Qaınar aýyly), sondaı-aq Astana – Qaraǵandy – Almaty tasjolynyń 750-893 shaqyrymy (Qaraǵandy oblysynyń shekarasy – Býrylbaıtal aýyly) boıynsha qozǵalys shekteldi.
Aýa raıynyń qolaısyzdyǵyna baılanysty birneshe jol jabyldy
Qaraǵandy oblysynda Astana – Qaraǵandy – Almaty avtojolynyń 738-750 shaqyrymy (Saryshaǵan kenti – Jambyl oblysynyń shekarasy) jabyq.
Ulytaý oblysynda Qyzylorda – Jezqazǵan – Qaraǵandy – Shiderti jolynyń 216-424 shaqyrymy (Qyzylorda oblysynyń shekarasy – Jezqazǵan qalasy) boıynsha shekteý engizildi.
Qyzylorda oblysynda Reseı shekarasy – Qorǵas baǵytyndaǵy joldyń 1240-2055 shaqyrym aralyǵy (Aqtóbe oblysynyń shekarasy – Báıgekúm aýyly – Túrkistan oblysynyń shekarasy), sondaı-aq Qyzylorda – Jezqazǵan – Qaraǵandy – Shiderti tasjolynyń 12-216 shaqyrymy (Qyzylorda qalasy – Ulytaý oblysynyń shekarasy) ýaqytsha jabyldy.
Búgin el aýmaǵynda aýa raıy qandaı bolady?
Túrkistan oblysynda Reseı shekarasy – Qorǵas baǵytyndaǵy joldyń 2055-2095 shaqyrymy (Qyzylorda oblysynyń shekarasy – Túrkistan qalasy) boıynsha qozǵalysqa shekteý qoıyldy.
Qazirgi tańda respýblıkalyq avtojoldardy kútip-ustaý jumystaryna 741 arnaıy tehnıka jumyldyrylǵan.