Kýba Ishki ister mınıstrliginiń málimetinshe, Florıda shtatynda tirkelgen keme memlekettik shekarany zańsyz kesip ótip, shekarashylarǵa oq atqan, dep habarlaıdy Egemen.kz.
Oqıǵa Kaıo-Falkones aýdanynda, El-Pıno kanalynyń soltústik-shyǵysyna jaqyn aýmaqta bolǵan. Kýba jaǵalaý kúzeti katerdegi adamdardy anyqtaýǵa árekettengen kezde qarsy tarap oq jaýdyrǵan. Shekarashylar jaýap retinde qarý qoldanǵan.
Memleket basshysy Kýba Prezıdentine quttyqtaý jedelhatyn joldady
Qaqtyǵys saldarynan kater bortyndaǵy tórt adam qaza tapty, taǵy altaýy jaralanyp, ustaldy. Kýba tarapynan shekara kemesiniń kapıtany jaraqat alǵan. Jalpy katerde on qarýly adam bolǵan.
Arnaıy operasııa barysynda shabýyl jasaǵandardan shtýrmdyq vıntovkalar, tapanshalar, «Molotov kokteılderi», oq ótpeıtin keýdesheler jáne optıkalyq kózdeýler tárkilendi. Vedomstvonyń habarlaýynsha, ustalǵandardyń basym bóligi burynǵy qylmyskerler, al ekeýi buǵan deıin izdeýde bolǵan. Olardyń barlyǵy AQSh-ta turatyn Kýba azamattary.
AQSh-tyń memlekettik hatshysy Marko Rýbıo bul oqıǵa AQSh úkimetiniń operasııasy bolmaǵanyn jáne ákimshilik ókilderiniń qatysy joq ekenin málimdedi. Onyń aıtýynsha, Vashıngton óz tarapynan tergeý júrgizip, qorytyndysy boıynsha tıisti sharalar qabyldaıdy.
Meksıkada atyshýly qylmystyq toptyń jetekshisiniń qazasynan keıin jappaı tártipsizdik bastaldy