Eýropa astronomdary tapqan ekzoplaneta «Proksıma B» dep atalady. Munda adamzat balasy úshin tirshilikke qolaıly jaǵdaıdyń bári bar kórinedi. Sondaı-aq, atalǵan ǵalamshardyń kólemi Jermen shamalas.
Astronomdar «Sentavr alfasy» shoqjuldyzynda ornalasqan ekzoplaneta Kún júıesinen 4,2 jaryq jyly qashyqtyqta ornalasqanyn málimdedi.
«Osy ǵalamshardyń pishini men shyǵý tegi Jerge óte uqsas. Ol Iýpıter sekildi gaz shary emes, sol sebepten adamdar onyń betinde qınalmaı tura alady. Onda suıyq túrde sý bolýy múmkin. Demek, tirshiligi de bolýy yqtımal», – deıdi astronom Ansgar Reıners.
Aıta keteıik, sońǵy jıyrma jylda ǵalymdar ǵaryshta úsh myńnan asa ekzoplaneta ashqan. Alaıda, kóbisi óte alys ornalasqandyqtan, olar muqııat zerttelmegen.
Talǵat RAIYMBEK