Kýbok jolyndaǵy kezdesýler

Keshe fýtboldan Qazaqstan Kýbogy jartylaı fınalynyń alǵashqy oıyndary ótti. Áýelgi matchta Pavlodardyń «Ertisi» óz alańynda elordanyń «Astana­syn» qabyldady. 2:1 esebim­en qonaq­tardyń paıdasyna sheshil­gen tar­tysty kezdesýdegi doptyń bar­lyǵy birinshi taımda soǵylǵanyn atap aıtqan jón. Oıynnyń 23-shi mı­nýtynda astanalyqtardyń jarty­laı qorǵaýshysy Ashat Taǵybergen mer­gendik tanytsa, arada on mınýtqa je­ter-jetpeste «Ertistiń» úzdik shab­ýyl­shysy Roman Murtazaev tara­­zy basyn teńestirdi. Sodan týra bes mınýt ótkende, ıaǵnı oıynnyń 37-shi mınýtynda elordalyqtardyń ja­qynda ǵana jaraqatynan aıyǵyp, sap­qa qosylǵan komanda kapıtany, sha­býyl­shy Tańat Nóserbaev óz klýbyn qaıtadan basymdyqqa ıe qyldy. Aıta keterlik nárse, bul oıynda maýsymnyń sońyna deıin jaraqaty­na baılanysty qatardan shyǵyp qal­ǵan Davıd Lorııanyń ornyna, pav­lodarlyqtardyń qaqpasyn Anton Sırın qorǵady. Al alańǵa negizinen qosalqy quramdaǵy jas oıynshylaryn shyǵarǵan astanalyqtardyń sońǵy shebinde ádettegideı Nenad Erıch emes, onyń áriptesi Aleksandr Mokın turdy. Mine, ol oıynnyń sońyndaǵy tóreshi qosqan ýaqytta óz qaqpasyna belgilengen 11 metrlik aıyp dobyn sheberlikpen ustap, pavlodarlyq oıynshy Djıbı Fallǵa barmaq tistetti. Sóıtip, tab­lodaǵy esep ózgergen joq. Jartylaı fınaldyń ekinshi kezdesýi Almatyda ótti. Qazaqstan Kýbogynyń qazirgi ıegeri, jergilikti «Qaırat» munaıshylar óńirinen kelgen «Atyraý» komandasymen baq synasty. Qonaqtar kúshi basym alań ıelerine birinshi taımda laıyqty qarsylyq kórsetti. Bul shıelenisti teketirestiń taǵdyryn ekinshi taım­nyń ortasy aýa bere torda týlaǵan jalǵyz dop sheshti. Oıynnyń 72-shi mınýtynda «Qaırattyń» jartylaı qorǵaýshysy Islambek Qýat ońtaıly sátti paıdalanyp, qarsylastaryn qapy qaldyrdy. Sóıtip, alań ıeleri 1:0 esebimen jeńiske jetti. Endi 5 qarashada «Atyraý» «Qaıratty» óz alańynda qabyldap, qarymta oıynda ese jibermeýge tyrysady. Al «Astana» men «Ertis» arasyndaǵy qarymta match 6 qarasha kúni elordadaǵy «Astana-Arena» stadıonynda ótedi. Áljan Álish