Rýfat Ryskıevtiń bir aıaǵy kesildi

Tashkent aýrýhanasynda aty ańyzǵa aınalǵan burynǵy boks­shy Rýfat Ryskıevke shuǵyl ota jasalyp, bir aıaǵynyń tómengi jaǵy kesi­ldi. Respýblıkanyń bel­­gili jat­­tyqtyrýshysy Mýrad Ergashev onyń aıaǵy vena trombozy­men aýyrýyna baılanysty tómengi býy­ny­nan kesilgenin jetkizdi. Kezinde jýrnalıster «Tashkent jolbarysy» degen laqap at bergen dańqty boksshy qazir Tashkent qalalyq №16 aýrýhanasy hırýrgııa bólimshesiniń 5-palatasynda jatqan kórinedi. Rýfat Ryskıev 1949 jyly Aq­qor­ǵan qalasynda dárigerler­diń otbasynda dúnıege kelgen. 12 ja­sy­nan ataqty bapker Sıdneı Djek­son­nyń qol astynda jattyǵa bas­ta­ǵan. Al úlken rıngke taǵy bir áıgili jattyqtyrýshy Borıs Granatkın alyp shyqqan. R.Ryskıev 1974 jyly Kýba astanasy Gavanada ótken birinshi Álem chempıonatynda 75 kıloǵa deıingi salmaqta altyn medal jeńip aldy. Ol osy bıikke jetkenge deıin irikteý synaqtarynda kanadalyq Stan Ýıllıamson­dy (nokaýt, 1-raýnd), bolgar Alek­sandr Iаnakıevti (upaı sany), shırek fınalda argentınalyq Rıkardo Rohasty (upaı sany), jartylaı fınalda GDR ókili Bernd Vıttenbýrgti (nokaýt, 1 raýnd) jáne fınalda rýmyn Alek Nastakty (upaı sany, 3:2) utqan bolatyn. Sol birin­shi­likte kelesi altyn medal ıegeri – Vasılıı Solomın 60 kıloǵa deıingi salmaqta kúsh synasyp, chem­pıon­dyqqa sál buryn qol jetkizgen edi. Damır QOJAMQUL