Osy kóktemde Astana halyqaralyq áýejaıynda ushý-qoný jolaǵyna kezekti jóndeý jumystary júrgiziledi. Bul týraly áýe aılaǵynyń baspasóz qyzmeti habarlady, dep jazady Egemen.kz.
Jóndeý jumystary 15 sáýir men 31 mamyr aralyǵynda ótedi.
«Kórsetilgen kezeńde ushý-qoný jolaǵy kún saıyn jergilikti ýaqyt boıynsha saǵat 10:00-den 18:00-ge deıin ýaqytsha jabylady. Jumystar júrgiziletin ýaqyt aralyǵynda oryndalatyn barlyq turaqty halyqaralyq jáne ishki reıster táýliktiń erterek nemese keshirek ýaqytyna aýystyryldy», dep málimdedi elorda áýejaıy.
Habarlamada bul jóndeý josparly túrde júrgiziletini, onyń maqsaty aerodrom ınfraqurylymy men jaryq-sıgnaldyq jabdyqtardy paıdalaný jaǵdaıynda ustap turý, sondaı-aq ushý qaýipsizdigi men senimdiligin arttyrý ekeni aıtylǵan.
Áýejaı ókilderi kestedegi ózgerister áýe kompanııalarymen jáne memlekettik organdarmen kelisilgenin atap ótti. Shekteýlerden tys ýaqytta áýejaı shtattyq rejımde jumysyn jalǵastyrady.
«Astana halyqaralyq áýejaıy jolaýshylarǵa reısterdiń ózekti kestesin áýe kompanııalarynan naqtylap alýdy usynady jáne túsinistik tanytqandary úshin alǵys bildiredi», delingen baspasóz qyzmeti taratqan aqparatta.
«Jarylǵysh zat bar»: Atyraý áýejaıynda jolaýshylar evakýasııalandy
Eske sala keteıik, Astana áýejaıynyń ushý-qoný jolaǵyna sońǵy jóndeý jumystary 2025 jyldyń kúzinde júrgizilgen. Ol kezde de eki aıǵa jýyq ýaqyt boıy kúndizgi ýaqytta ushaqtardy qabyldaý jáne jóneltý shektelgen bolatyn.
Túrkistan áýejaıyna 14,3 mln teńge aıyppul salyndy