«Ádiletti jáne Progressıvti Qazaqstannyń Halyqtyq Konstıtýsııasy úshin!» atty Jalpyulttyq koalısııa belsendileri óńirlerde keń aýqymdy aqparattyq-túsindirý sharalaryn qolǵa aldy, dep habarlaıdy Egemen.kz.
Astana qalasynan bastaý alǵan jumys, Qaraǵandy, Qostanaı, Pavlodar, Soltústik Qazaqstan oblystary men Shymkentte jalǵasyn tapty. Belsendiler belgilengen oryndarda úgit-nasıhat plakattaryn ilýmen qatar, aqparattyq-túsindirme paraqshalaryn azamattarǵa taratýda.
Sondaı-aq Halyqtyq shtab músheleri men belsendiler elimiz boıynsha aqparattandyrý, túsindirme jumystaryn júrgizýde.
Jalpyulttyq koalısııa shtabynyń múshesi, «Jastar Rýhy» tóraǵasynyń orynbasary Erjan Hamıtov naýqanǵa elimizdiń barlyq óńirlerinen jastar belsendi qatysyp jatqanyn atap ótti.
«Koalısııa jumysy bastalysymen 3 respýblıkalyq mańyzy bar qala men 17 oblysta qurylǵan shtabtar janyndaǵy belsendiler júıeli iske kiristi. Búginde jastar oflaın formatta aqparattyq materıaldardy taratyp, azamattarǵa Jańa Konstıtýsııanyń mazmuny men 15 naýryzda ótetin referendýmnyń mańyzyn túsindirýde. Sonymen qatar, áleýmettik jeliler arqyly da keń aýdıtorııany qamtyp, onlaın keńistikte belsendi túsindirý jumystary júrgizilýde. Negizgi maqsatymyz - qoǵamǵa aldaǵy saıası naýqannyń máni men mańyzyn jan-jaqty jetkizý», dedi ol.
Shtab ókilderiniń málimetinshe, aqparattyq sharalar oblys jáne qala ortalyqtarymen qatar, aýdan men aýyldyq eldi mekenderdi de qamtyp otyr. Aldaǵy ýaqytta «Esikten esikke» aksııasy uıymdastyrylyp, turǵyndarmen jeke formatta júzdesý josparlanǵan. Bul bastama aıasynda azamattardyń suraqtaryna naqty jaýap berilip, qosymsha túsindirme materıaldary usynylady.
Budan bólek, Halyqtyq shtab músheleri respýblıka kóleminde kezdesýler uıymdastyryp, Jańa Konstıtýsııa jobasynyń negizgi baǵyttary men usynylyp otyrǵan ózgeristerdiń mánin keńinen túsindirýde. Turǵyndarmen ashyq pikir almasý formatynda kezdesýler ótkizilip, azamattardyń saýaldaryna jaýap berilip, usynystary eskerilip jatyr.
Aıta ketý kerek, jetekshi qoǵamdyq-saıası kúshter «Ádiletti jáne Progressıvti Qazaqstannyń Halyqtyq Konstıtýsııasy úshin!» atty Jalpyulttyq koalısııa aıasynda birikti. Onyń quramyna saıası partııalardyń ortalyq jáne óńirlik qurylymdary, respýblıkalyq qoǵamdyq birlestikter, Parlament pen máslıhat depýtattary, ǵylymı-sarapshylyq qaýym ókilderi, mádenıet jáne sport qaıratkerleri, kásipodaq uıymdary, salalyq qaýymdastyqtar men jastar uıymdary engen.
Aqtaýda «MýzART» tobynyń qatysýymen jańa Konstıtýsııany qoldaýǵa arnalǵan forým ótti
Qazirgi ýaqytta koalısııa músheleri aımaqtardaǵy túsindirý is-sharalaryn jalǵastyryp jatyr. Referendým qarsańynda eńbek ujymdarymen, sarapshylarmen jáne turǵyndarmen kezdesýler ótkizý arqyly ashyq dıalog alańdaryn keńeıtý kózdelip otyr. Negizgi basymdyq – azamattardyń sanaly ári jaýapty túrde sheshim qabyldaýyna jaǵdaı jasaý.
ERG kenshileri jańa Konstıtýsııa jobasyn qoldady