Jolaýshylardy halyqaralyq reıs ushaqtaryna otyrǵyzý aldyndaǵy tekserý aımaǵynda synap tógilýine baılanysty Almaty áýejaıyndaǵy adamdar syrtqa shyǵaryldy. Bul týraly Tengrinews.kz portaly habarlady.
Almaty-Tbılısı reısimen ushqaly turǵan jolaýshynyń júginen adjıka bankisine quıylǵan synap tabylǵan. Synap mólsheri shamamen 100-150 mıllılıtrdeı. Bul jaǵdaıǵa baılanysty tekserý júrip jatqan kezde jolaýshy synapty qoqys jáshigine tógip jibergen. Jolaýshy – Qazaqstan azamaty, jasy 38-de. Qaýipsizdik erejesine sáıkes adamdar syrtqa shyǵaryldy. Jolaýshyny quqyq qorǵaý organdary tergep jatyr. Reıster keshigýde. Tótenshe jaǵdaılar jónindegi komıtet qyzmetkerleri oqıǵa ornyna jiberlgen.