QR Premer-Mınıstri Baqytjan Saǵyntaevtyń tóraǵalyǵymen ótkizilip jatqan Úkimet otyrysynda qarjy mınıstri Baqyt Sultanov básekelestikti damytý jáne ekonomıkaǵa qarjy tartý sharalary týraly baıandady, - dep habarlaıdy egemen.kz Premer-Mınıstrdiń resmı saıtyna silteme jasap.
Mınıstrdiń málimdeýinshe, memlekettik satyp alýlar týraly jańa zańnyń normalary básekelestikti damytý úshin jaǵdaılar týdyrdy. Qazir bir baıqaýǵa orta eseppen 5 qatysýshydan keledi. 9 aı ishinde 20 myń tapsyrys berýshi men 90 myńnan astam jetkizýshi tirkelgen.
"Bıyl memlekettik aýdıtte basymdyq adal jetkizýshilerge berildi.
«Bıyl memlekettik aýdıtte basymdyq adal jetkizýshilerge beriledi. 2016 jyldyń 9 aıy ishinde 375 mlrd teńge somasyna durys jarııalanbaǵan memlekettik satyp alýlar anyqtaldy – olardyń bári túzetilip, tepe-teń qoljetimdi boldy», - dep habarlady B. Sultanov.
Mınıstrlik basshylyǵynyń málimetteri boıynsha, bıyl 7 mlrd teńgege 67 nysan jekeshelendirilgen. Osylaısha, jalpy satý sany 86,6 mlrd teńgege 324 nysandy quraǵan. Vedomstvoǵa baǵynyshty uıymdardy túgendeý jumystary júrgizilýde. Sonyń nátıjesinde jekeshelendiriletin kásiporyndar tizimi artady.
«Jekeshelendirý boıynsha aksııa aıaqtalýda, tek úshinshi toqsanda ǵana ortasha aılyq aqsha somasy 40 esege derlik artty (6,3 mlrd teńge bolǵan bolsa, qazir 250 mlrd teńge). Bıylǵy jyldyń 14 qazanyndaǵy málimetter boıynsha barlyǵy 2,7 trln teńge, onyń ishinde aqsha túrinde 1,8 trln teńge zańdastyryldy. Negizgi qarjylyq nátıjeler osyndaı. Bıýdjetti oryndaý barysynda qabyldanǵan barlyq sharalar ekonomıkalyq ósimge qoldaý jasady», - dedi mınıstr.