Qazaqstan Prezıdenti Nursultan Nazarbaev Qatar memleketiniń Ámiri, sheıh Tamım ben Hamad Ál Tanıge sheıh Halıf ben Hamad Ál Tanıdiń qaıtys bolýyna baılanysty kóńil aıtý jedelhatyn joldady, dep habarlady Qazaqstan Prezıdentiniń baspasóz qyzmeti.
Memleket basshysy Halıf ben Hamad Ál Tanıdiń qazasy týraly habardy zor kúızelispen qabyldady.
«Osy qıyn sátte orny tolmas qazaǵa ortaqtasa otyryp, Sizdi jáne jaqyndaryńyzdy bekem bolýǵa, sabyrlylyq saqtaýǵa shaqyramyn» delingen kóńil aıtý jedelhatynda.
Sonymen qatar, jedelhatta bar ǵumyryn Qatar memleketiniń qalyptasýyna jáne halyqaralyq arenada ıslamnyń múddesin qorǵaý jolyna arnaǵan sheıh Halıf ben Hamad Ál Tanıdiń tarıhı tulǵa jáne bedeldi saıasatker retinde árdaıym este qalatyny atap ótilgen.