Qazaqstan Respýblıkasynyń Memlekettik hatshysy G.N.Ábdiqalyqova Aqmola oblysyna jumys saparymen keldi.
Sapar barysynda Gúlshara Ábdiqalyqova Kókshetaý qalasynda QR Táýelsizdiginiń 25-jyldyǵy aıasynda Qazaqstan halqy Assambleıasynyń Aqmola oblysy boıynsha fılıaly Keńesiniń keńeıtilgen otyrysyna qatysty.
Keńeske qatysýshylardyń aldynda sóılegen sózinde Gúlshara Ábdiqalyqova Qazaqstan halqy Assambleıasynyń jalpyulttyq birlik pen qoǵamdyq kelisimdi nyǵaıtýdaǵy rólin atap ótti.
«Elbasy atap aıtqandaı, Táýelsizdik halyqty - beıbitshilik pen kelisimdi saqtaýshy Qazaqstan halqy Assambleıasynyń bir shańyraǵynyń astyna biriktirdi. Qazaqstan halqy Assambleıasynyń Aqmola oblystyq fılıaly júzden astam qoǵamdyq pikir kóshbasshylarynyń basyn biriktirip otyr. Qyryqtan astam etnomádenı birlestikter aımaqtyń qoǵamdyq-mádenı ómirine belsendi qatysa otyryp, «Máńgilik el» jalpyulttyq patrıottyq ıdeıasynyń iske asyrylýyna qomaqty úlesterin qosýda», dep atap ótti Memlekettik hatshy óz sózinde.