Qazaqstan qara altyn óndirisin shekteý máselesin qarastyrýǵa ázirge daıyn emes.
Bul týraly QR Energetıka mınıstriniń orynbasary Maǵzum Myrzaǵalıev málimdedi, dep habarlaıdy egemen.kz REGNUM-ǵa silteme jasap.
«Ázirge buǵan kelisýge daıyn emespiz, - dedi Myrzaǵalıev. - Biz úshin otyrysqa qatysý, pikir almasý, OPEK-ke múshe jáne múshe emes elderdiń buǵan qatysty kózǵarasyn bilý mańyzdy boldy».
29 qazanda Ázerbaıjan Energetıka mınıstrliginiń basshysy Natık Alıev BAQ qyzmetkerlerine munaı óndirisin shekteý boıynsha OPEK-tiń arnaıy komıtetiniń kelesi otyrysy osy jyldyń 25-26 qarashasynda ótetinin habarlaǵan bolatyn.
28-29 qazan kúnderi Venada munaı óndirisin táýligine 32,5-33 mln barrelge deńgeıin shekteý týraly kelisimdi júzege asyrý boıynsha OPEK arnaıy komıtetiniń birinshi otyrysy ótti.