QR Bilim jáne ǵylym mınıstrligi Facebook jelisindegi paraqshasynda 11-synyp oqýshylarynyń qorytyndy attestasııany qalaı tapsyratyny jaıly jazdy.
"11-synyp oqýshylary qorytyndy attestasııany 5 pánnen tapsyrady, onyń ishinde tórt mindetti pán bar (qazaq tili, orys tili, algebra men analız bastamasy, Qazaqstan tarıhy) jáne tańdaý páni (qoǵamdyq-gýmanıtarlyq baǵyttaǵy nemese jaratylystaný-matematıkalyq baǵyttaǵy)", - dedi QR BǴM ókilderi.
Emtıhandar qalaı ótedi:
1. Qazaq tili men qazaq ádebıetinen jazbasha emtıhan (mektepte qaı tilde oqýyna baılanysty tańdalady). Jazbasha emtıhanǵa 3 saǵat (180 mınýt) beriledi. Túlekter berilgen úsh taqyryptyń bireýin tańdaıdy. Sol taqyrypty 250-300 sımvoldan turatyn esse jazady. Taqyrypty tańdaǵan soń esseniń negizgi ıdeıasy, onyń problemalary men qajetti dálelderdi jazýy kerek. Sondaı-aq, emtıhan tapsyrýshy essede tildiń kómekshi quraldaryn (epıtetter, metaforalar, rıtorıkalyq suraqtardy jáne qystyrma sózderdi) qoldanyp, qorytyndy jaza alýy tıis.
Orys tilindegi esselerdiń taqyryby mynandaı bolýy múmkin:
- Doljny lı týrısty soblıýdat obychaı stran, kotorye onı poseshaıýt?
- Soglasny lı Vy s tem, chto naýchno-tehnıcheskıı progress okazyvaet vlııanıe na lıýdeı?
- Soglasny lı Vy s tem, chto kınematograf okazyvaet bolshoe vlııanıe na molodıoj?
Aıta keteıik, qabyldanǵan jumystar biryńǵaı talap boıynsha baǵalanyp, Bilim basqarmasyndaǵylarǵa jiberiledi.
2. Algebra men analız bastamalarynan jazbasha emtıhan. Oǵan 5 saǵat (300 mınýt) beriledi. Onda 5 tapsyrma bolady. Algebra men analız bastamalary páninen daıyndalǵan tapsyrmalar qoldanbaly matematıkadaǵy logıkalyq tapsyrmalardy sheshýge baǵyttalǵan.
3. Qazaqstan tarıhynan aýyzsha emtıhan (bılet arqyly tapsyrady). Ár bılette 3 suraqtan bolady, olardyń ekeýi teorııa bolsa, úshinshisi shyǵarmashylyq tapsyrma retinde keledi (tarıhı kartalardy, syzbalardy, hronologııalyq kesteler men sýretterdi paıdalaný arqyly).
4. Orys, ózbek, uıǵyr jáne tájik tilderinde bilim alǵandar qazaq tilinen test tapsyrsa, qazaq tilinde bilim alǵan túlekter orys tilinen test tapsyrady. Testke 80 mınýt beriledi. Onda 40 suraq bolady:
- 20 suraq leksıkalyq-grammatıkalyq bolady;
- "Tyńdaý" - 10 suraq (2 mátin, 200-250 sózden turady);
- "Mátin oqý" -10 suraq (2 mátin, 200-250 sózden turady).
5. Testileý - tek bir pándi tańdaýǵa bolady:
- fızıka, hımııa, bıologııa, geografııa, geometrııa, dúnıejúzi tarıhy, ádebıet, shet tili (aǵylshyn tili, fransýz tili, nemis tili), ınformatıka.
Barlyǵy 40 suraq (80 mınýt beriledi, 40 suraq - 60 ball):
• bir durys jaýaby bar 20 suraq (20 ball);
• birneshe durys jaýaby bar 20 suraq (40 ball).
"Túlek emtıhanǵa qoıylǵan baǵamen kelispegen jaǵdaıda kelesi kúni saǵat 13.00-ge deıin oblystyq, aýdandyq jáne qalalyq bilim basqarmasy qurǵan emtıhan komıssııasyna ótinish túsire alady", - delingen BǴM Facebook jelisindegi paraqshasynda.
Vedomstvonyń málimetinshe, qorytyndy attestasııa 2017 jyldyń 29 mamyr - 9 maýsym aralyǵynda ótedi. "Mektep bitirý keshteri 2017 jyldyń 15 maýsymyna deıin ótetin bolady", - dedi QR BǴM ókilderi.
Eske sala keteıik, osyǵan deıin Bilim jáne ǵylym mınıstrliginde UBT-nyń jańa formaty tanystyrylǵan bolatyn. Sondaı-aq, QR BǴM ókilderi 2017 jylǵy túlekterge UBT-nyń ekige bólinetinin jarııalaǵan edi.