2026 jylǵy 1 naýryzdan bastap Reseıde sheteldik azamattardy jumystan shyǵarý negizderin keńeıtetin jańa norma kúshine enedi. Eńbek kodeksine engizilgen túzetýlerge sáıkes, eger aımaqtyq bılik sheteldik eńbek kúshin tartýǵa shekteý engizse, jumys berýshi mıgrantpen eńbek kelisimin buza alady, dep habarlaıdy Egemen.kz.
Reseıdegi eńbek mıgranttarynyń mańyzdy bóligin otandastarymyz quraıtyndyqtan, bul ózgeris olardyń jumys turaqtylyǵy men maýsymdyq nemese turaqty kelisimshart josparlaryna tikeleı áser etýi múmkin.
Qyrǵyzstan mıgranttardyń quqyǵyn buzǵany úshin Reseıdi sotqa berdi
Buǵan deıin Reseıdiń Eńbek kodeksi sheteldik qyzmetkermen kelisim-shartty tek federaldyq shekteýler engizilgen jaǵdaıda ǵana toqtatýǵa múmkindik beretin. Jańa redaksııa boıynsha aımaqtyq bıliktiń sheteldik jumys kúshin tartýǵa tyıym salý týraly sheshimi de jumys berýshige kelisim-shartty buzý quqyǵyn beredi.
Bul ásirese Qazaqstan men TMD elderinen kelgen mıgranttarǵa, sheteldik jumys kúshin shekteý engizilgen salalarda, atap aıtqanda qurylys, aýyl sharýashylyǵy, turmystyq qyzmet kórsetý salasy, saýda jáne logıstıkada qyzmet etetinderge qatysty. Túzetýlerde Máskeý, Krasnodar, Novgorod jáne Nıjnıı Novgorod oblystarynda jumys isteıtin sheteldikterdi keıbir salalarǵa tartýǵa tyıym salynǵany aıtylǵan.
Jyl basynan beri elimizge qansha mıgrant keldi
Endi Reseıge baryp jumys isteýge nıetti otandastarymyzǵa aımaqtyq zańnamadaǵy ózgeristerdi muqııat qadaǵalaýǵa keńes beriledi. Reseılik jumys berýshimen kelisimshartqa otyrǵanda saqtyq tanytý qajet.