Búgin Astana qalasynda Ulttyq volonterlik jeli «Jańa Konstıtýsııa jobasyn talqylaý jáne qoldaý» taqyrybynda dóńgelek ústel ótkizdi. Is-sharaǵa elimizdiń barlyq óńirlerinen volonterlik uıymdardyń ókilderi, óńirlik volonterlik front-ofıster men bastamashyl toptar, sondaı-aq seriktester oflaın jáne onlaın formatta qatysty, dep habarlaıdy Egemen.kz.
Kezdesý barysynda volonterlik sektordyń jańa Konstıtýsııany talqylaýǵa qatysýy, úkimettik emes uıymdardyń halyqty aqparattandyrýdaǵy róli, qoǵamdyq dıalogty damytý jáne memlekettik organdarmen ózara is-qımyl máseleleri talqylandy.
Parlament Májilisiniń depýtaty, Konstıtýsııalyq reforma jónindegi komıssııa múshesi, «Ulttyq volonterlik jeli» ZTB tóraǵasy Kım Vera Aleksandrovna Konstıtýsııa jobasyn ázirleýge azamattyq qoǵamnyń qatysýynyń mańyzyn jáne Konstıtýsııalyq komıssııa jumysynyń ashyqtyǵyn atap ótti.
«Konstıtýsııa qoǵammen dıalog negizinde qalyptasyp jatyr, jabyq rejımde emes. Jańa Konstıtýsııa jobasymen alty aı jumys isteý barysynda azamattardan, qoǵamdyq uıymdardan, saıası partııalardan jáne sarapshylardan shamamen 4 myń usynys tústi. Bul qoǵamnyń endi passıvti baqylaýshy emes, saıası úderisterdiń tolyqqandy qatysýshysyna aınalyp kele jatqanyn bildiredi», dedi Vera Kım.
Onyń aıtýynsha, jańa konstıtýsııalyq ınstıtýt − Halyq keńesin engizý qoǵamdyq qatysýdy nyǵaıtýdaǵy mańyzdy qadam bolmaq.
«Bul − memleket pen qoǵam strategııalyq damý baǵyttaryn birlesip talqylaıtyn modelge kóshý. Qoǵam tek talqylaý quqyǵyna ǵana emes, zań shyǵarý úderisine resmı túrde bastamalar engizý múmkindigine ıe bolady», dep atap ótti ol.
Konstıtýsııalyq reforma jónindegi komıssııa múshesi, «Assambleıa jastary» RQB tóraǵasy Djýmýrbaev Tımýr Gabdýlovıch jańa Konstıtýsııanyń Qazaqstan jastary úshin erekshe mańyzyn atap ótti.
«Qazaqstan jastary úshin jańa Konstıtýsııany qabyldaý − asa mańyzdy qadam. О́ıtkeni onyń mańyzy búgingi jáne bolashaq urpaqqa tikeleı baǵyttalǵan. Adamǵa baǵdarlaný − jastardyń ádil ári qoljetimdi ósý jáne damý múmkindikterin ashatyn jańa Negizgi zańnyń basty logıkasy», dedi Tımýr Djýmýrbaev.
Ol sondaı-aq syndarly patrıotızm, adamı kapıtaldy damytý, bilim men ınnovasııa qaǵıdattaryn bekitý jastardyń ózin-ózi júzege asyrý múmkindikterin keńeıtip, el damýyndaǵy rólin kúsheıtetinin atap ótti.
Erqanat Kópjasaruly: Jańa Konstıtýsııada erkindik pen jaýapkershilik bir arnaǵa toǵysady
О́z kezeginde «Medısınalyq jastar» RQB tóraǵasy, medısına salasynyń volonteri Ábdirash Abylaıhan Ábdikerimuly Konstıtýsııa jobasynyń áleýmettik jáne medısınalyq aspektilerine toqtaldy.
«Usynylyp otyrǵan Konstıtýsııa jobasy adam ómiri men densaýlyǵyn memlekettik saıasattyń ózegine qoıady. Otbasyny, ana men balany qorǵaý, sondaı-aq densaýlyq saqtaý quqyǵyn bekitý densaýlyq saqtaý júıesin damytý men qoǵamdyq densaýlyqty nyǵaıtýdyń berik quqyqtyq negizin qalyptastyrady», dedi Abylaıhan Ábdirash.
Onyń aıtýynsha, medısınalyq jastar bul jobany adamǵa baǵdarlanǵan, áleýmettik jaýapty memleket qalyptastyrý jolyndaǵy mańyzdy qadam retinde baǵalaıdy.
«Jobanyń tıimdiligi onyń is júzinde qalaı júzege asatynyna tikeleı baılanysty. Biz bul normalar naqty baǵdarlamalarmen, jetkilikti qarjylandyrýmen jáne jas mamandar úshin qolaıly eńbek jaǵdaılarymen qamtamasyz etiledi dep úmittenemiz», dep qosty ol.
Jańa Konstıtýsııa mátinin Braıl qarpimen jazý usynyldy
Dóńgelek ústel ashyq talqylaý jáne erkin pikir almasý formatynda ótti. Is-shara qorytyndysynda Ulttyq volonterlik jeli jańa Konstıtýsııa jobasyn qoldaý jónindegi úndeýdi jarııalady.
ÚndeýQurmetti qazaqstandyqtar! Qazir elimiz mańyzdy tarıhı kezeńdi bastan ótkerip jatyr. Qazaqstannyń aldaǵy ondaǵan jyldardaǵy damýyn aıqyndaıtyn jańa Konstıtýsııa jańǵyrý satysynda tur. Volonterlermen jumys barysynda biz azamattardyń el damýyna óz úlesin qosýǵa degen yntasynyń artyp kele jatqanyn baıqaımyz.
Biz, Qazaqstannyń volonterlik qaýymdastyǵynyń atynan, jańa Konstıtýsııany qoldaımyz. Azamattyq qoǵamdy damytýǵa, volonterlikti ilgeriletýge jáne azamattardyń el ómirine qatysýyna mańyzdy áser etetin erejelerdi atap ótemiz.
Nege biz jańa Konstıtýsııa jobasyn qoldaımyz? Jańa Konstıtýsııa qoǵam men memleket arasyndaǵy ortaq mindetterdi sheshýdegi yntymaqtastyqtyń negizin qalyptastyrady.Biz jańa Konstıtýsııanyń kelesi baǵyttaryn qoldaımyz:
Qoǵamdyq dıalog ınstıtýttary arqyly azamattyq qoǵamdy damytý jáne azamattardyń eldi basqarýǵa qatysýyn keńeıtedi Bilim berý, ǵylym jáne adamı áleýetti damytýǵa basymdyq berý, bul jergilikti qaýymdastyqtardy nyǵaıtýǵa jáne azamattyq bastamalardyń tıimdiligin arttyrýǵa múmkindik beredi Derbes derekter men sıfrlyq quqyqtardy qorǵaýdy kúsheıtý, bul ásirese volonterlik uıymdar úshin mańyzdy Úkimettik emes uıymdar qyzmetiniń ashyqtyǵyn arttyrý, bul qoǵamnyń volonterlik qaýymdastyqqa degen senimin nyǵaıtadyAtalǵan baǵyttar volonterlik qozǵalystyń qundylyqtarymen úndesedi jáne azamattyq qoǵam uıymdarynyń tıimdi jumys isteýine quqyqtyq negiz qalaıdy.
Bizdiń ustanymymyzBiz jańa Konstıtýsııa jobasy azamattar qoǵamdyq mindetterdi sheshýge belsendi qatysatyn jaýapty qoǵamdy qalyptastyrýǵa yqpal etedi dep senemiz, al memleket bul úshin qajetti jaǵdaılardy jasaıdy.
Baqyt Nurmuhanov: Jańa Konstıtýsııanyń jobasyna teńgeni ulttyq valıýta retinde bekitetin norma engizildi
Qazaqstannyń volonterlik qaýymdastyǵy atynan Ulttyq volonterlik jeli jańa Konstıtýsııany iske asyrýǵa, áleýmettik mindetterdiń bir bóligin sheshýge syndarly túrde qatysýǵa jáne memleket pen qoǵammen áriptestikte elimizdiń ıgiligi úshin jumys isteýge daıyn ekenin málimdeıdi.
Árbir Qazaqstan azamatyn el bolashaǵyn qalyptastyrýdaǵy óz rólin túsinýge jáne jańa Konstıtýsııa jobasyn qoldaýǵa shaqyramyz.